ଦୀର୍ଘ ଦିନର ଚର୍ଚ୍ଚା ପରେ ଆଜି ବିବାହ ବନ୍ଧନରେ ବାନ୍ଧି ହେଲେ ଆଥିଆ-ରାହୁଲ, ଆଇପିଏଲ ପରେ ହେବ ଭୋଜି
ମୁମ୍ବାଇ: ବିବାହ ବନ୍ଧନରେ ବାନ୍ଧି ହେଲେ ବଲିଉଡ ଅଭିନେତ୍ରୀ ତଥା ସୁନୀଲ ସେଟ୍ଟୀଙ୍କ ଝିଅ ଆଥିଆ ସେଟ୍ଟୀ ଓ କ୍ରିକେଟର୍ କେ.ଏଲ୍ ରାହୁଲ । ଦୀର୍ଘ ବର୍ଷ ପ୍ରେମ ସଂପର୍କରେ ରହିବା ପରେ ଶେଷରେ ସୁନୀଲଙ୍କ ଖଣ୍ଡାଲାସ୍ଥିତ ଫାର୍ମହାଉସ୍ରେ ଝିଅ ଆଥିଆଙ୍କର କ୍ରିକେଟର୍ କେ.ଏଲ୍ ରାହୁଲଙ୍କ ସହ ବିବାହ ହୋଇଛି। ଏହି ବିବାହରେ ବଲିଉଡର ଅନେକ କଳାକାର ଓ ଅନେକ କ୍ରିକେଟ ତାରକା ନଜର ଆସିଥିଲେ। ସହରର କୋଳାହଳଠାରୁ ବହୁ ଦୂରରେ ଆଥିଆଙ୍କର ବିବାହ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ବିବାହରେ ବଲିଉଡ ସୁପରଷ୍ଟାର ଅନୁପମ ଖେର୍, ଟାଇଗର ଶ୍ରଫଙ୍କ ଭଉଣୀ କ୍ରିଷ୍ଣା ଶ୍ରପ୍, ଅର୍ଜୁନ କପୁରଙ୍କ ଭଉଣୀ ଅଂଶୁଲା କପୁର ପହଞ୍ଚିଥିବା ଦେଖାଯାଇଥିଲା। ଏହା ସହ କ୍ରିକେଟର ଇଶାନ୍ତ ଶର୍ମା ମଧ୍ୟ ଆଥିଆ-ରାହୁଲଙ୍କ ବିବାହରେ ଯୋଗ ଦେଇଥିବା ଦେଖାଯାଇଥିଲା।
View this post on Instagram
ବିବାହରେ ଯୋଗ ଦେବାକୁ ଆସିଥିବା ଅତିଥିଙ୍କ ଫୋନରେ ଷ୍ଟିକର ଲଗାଯାଇ ସେମାନଙ୍କୁ ଭିତରକୁ ଛଡ଼ାଯାଉଥିବା ଦେଖିବାକୁ ମିଳିଥିଲା।
ତେବେ ବିବାହରେ ଯୋଗ ଦେଇନଥିଲେ ବି କିଛି ବଲିଉଡ କଳାକାର ଟ୍ବିଟର ମାଧ୍ୟମରେ ଦମ୍ପତିଙ୍କୁ ଶୁଭେଚ୍ଛା ଦେଇଥିବା ଦେଖାଯାଇଛି। ସେ ମଧ୍ୟରେ ଅଛନ୍ତି, ସଞ୍ଜୟ ଦତ୍ତ, ଅଜୟ ଦେବଗନ, ଇଶା ଦେଓଲ। ତେବେ ବିବାହ ଶେଷ ହେବା ପରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ସୁନୀଲ ସେଟ୍ଟୀ କହିଛନ୍ତି, ମୁଁ ରାହୁଲଙ୍କ ଶଶୁର ନୁହେଁ ବାପା ହେବାକୁ ଚାହେଁ। ଆଜି ବିବାହ ହୋଇଥିବା ବେଳେ ଆଇପିଏଲ ପରେ ବିବାହ ଭୋଜି ରଖାଯିବ।