ନୂଆଦିଲ୍ଲୀ: ବଲିଉଡ ଅଭିନେତା ଆୟୁଷ୍ମାନ ଖୁରାନା ନିଜର ଅଭିନୟ ପାଇଁ ଚର୍ଚ୍ଚାରେ ରହିଛନ୍ତି। ଖୁବଶୀଘ୍ର ତାଙ୍କ ସିନେମା ‘ଏକସନ ହିରୋ’ ରିଲିଜ ହେବାକୁ ଯାଉଛି। ନିକଟରେ ରିଲିଜ ହୋଇଥିବା ସିନେମାର ଟ୍ରେଲରକୁ ଲୋକେ ଖୁବ ପସନ୍ଦ କରିଛନ୍ତି। ଆୟୁଷ୍ମାନ ଖୁରାନା କିଛିଦିନ ହେବ ସିନେମାର ପ୍ରମୋସନ ପାଇଁ ଲାଗିପଡ଼ିଛନ୍ତି। ଏହି କ୍ରମରେ ଆୟୁଷ୍ମାନଙ୍କ ଏକ ଭିଡିଓ ସାମ୍ନାକୁ ଆସିଛି। ଯାହା ଖୁବ ଭାଇରାଲ ହୋଇଛି।

Advertisment

ଯେଉଁଥିରେ ସେ ଶାହାରୁଖ ଖାନଙ୍କ ଘର ମନ୍ନତ ସାମ୍ନାରେ ଛିଡ଼ା ହୋଇଥିବା ଦେଖିବାକୁ ମିଳୁଛି। ଏହି ଭିଡିଓକୁ ଦେଖିବା ପରେ ଲାଗୁଛି ଆୟୁଷ୍ମାନ ବାସ୍ତବରେ ଶାହାରୁଖଙ୍କ ଜଣେ ବଡ଼ ଫ୍ୟାନ।

ଏହି ଭିଡିଓକୁ ବିରଳ ଭୟାନି ପେଜରୁ ସେୟାର କରାଯାଇଛି। ଭିଡିଓରେ ଆୟୁଷ୍ମାନ ତାଙ୍କ ଗାଡ଼ିରୁ ବା୍ହାରି ଥିବା ଦେଖିବାକୁ ମିଳୁଛି। ଏଥିସହିତ ସେ ମନ୍ନତ ସାମ୍ନାରେ କିଛି ସମୟ ଛିଡ଼ା ହୋଇ ଶାହାରୁଖଙ୍କ ଶୈଳୀରେ ହାତ ମେଲାଇ ପୋଜ ଦେଇଥିଲେ। ଶାହାରୁଖଙ୍କ ଶୈଳୀରେ ଆୟୁଷ୍ମାନଙ୍କୁ ପୋଜ ଦେବା ଦେଖି କ୍ୟାମେରା ମ୍ୟାନ ଓ ଘଟଣାସ୍ଥଳରେ ଉପସ୍ଥିତ ଥିବା ଲୋକେ ଦୃଶ୍ୟକୁ ନିଜନିଜ କ୍ୟାମେରାରେ କୈଦ କରି ନେଇଥିଲେ।

ମନ୍ନତ ସାମ୍ନାରେ ଛିଡ଼ା ହୋଇଥିବା ଫଟୋକୁ ସେୟାର କରି ଆୟୁଷ୍ମାନ ଲେଖିଛନ୍ତି, ମନ୍ନତ ଦେଇ ଯାଉଥିଲି… ତ ଏକ ମନ୍ନତ ମାଗିଦେଲି…। ଆୟୁଷ୍ମାନଙ୍କ ଏଭଳି ପୋଷ୍ଟକୁ ସୋସିଆଲ ମିଡିଆ ବ୍ୟବହାରକାରୀଙ୍କ ସମେତ ଅନେକ କଳାକାର ପସନ୍ଦ ବି କରିଛନ୍ତି।