ସୁଟିଂ ସେଟକୁ ଫେରିଲେ ଓଲିଉଡର ଲୋକପ୍ରିୟ ନାୟକ ବାବୁସାନ୍

ଭୁବନେଶ୍ବର: ଓଲିଉଡର ଲୋକପ୍ରିୟ ନାୟକ ବାବୁସାନ୍ ପୁଣି ସୁଟିଂ ସେଟକୁ ଫେରିଛନ୍ତି। ସେ ଏଥର କିଛି ନୂଆ ରୋମାଞ୍ଚକର କାମ କରିବାକୁ ପ୍ରସ୍ତୁତ ହେଉଛନ୍ତି | ସେ ଗତ ତିନି ମାସ ଧରି କୋରିଓଗ୍ରାଫର ଆକାଶଙ୍କଠାରୁ ନୃତ୍ୟ ପ୍ରଶିକ୍ଷଣ ନେଉଥିଲେ। ଆକାଶ ହେଉଛନ୍ତି ବଲିଉଡ ତାରକା ଟାଇଗର ଶ୍ରଫଙ୍କ ବ୍ୟକ୍ତିଗତ ପ୍ରଶିକ୍ଷକ ବିକ୍ରମ ସ୍ବାଇଁଙ୍କ ସହଯୋଗୀ । ଆକାଶ ମୁମ୍ବାଇରେ ଅବସ୍ଥାପିତ |
ଦୁର୍ଗା ପୂଜା ପୂର୍ବରୁ ଜୟପୁରରେ ଜାତୀୟ ବିଜ୍ଞାପନ ପାଇଁ ବାବୁସାନଙ୍କୁ ଶେଷ ଥର ପାଇଁ ସୁଟିଂ କରାଯାଇଥିଲା। ସେ ଆଜି ପୁଣି ପୁରୀରେ ସୁଟିଂ ଆରମ୍ଭ କରିଥିବା ଜଣାଯାଇଛି।


ସୂଚନାଯୋଗ୍ୟ, ବାବୁସାନ୍ ଖୁବ୍ ଶୀଘ୍ର ତାଙ୍କର ଆଗାମୀ ଚଳଚ୍ଚିତ୍ର ‘ବିଦ୍ୟାରାଣ’ର ସୁଟିଂ ଆରମ୍ଭ କରିବାକୁ ଯାଉଛନ୍ତି। ଏଥିରେ ବାବୁସାନ୍‌ଙ୍କ ବିପକ୍ଷରେ ନାୟିକା ଭୂମିକାରେ ନଜର ଆସିବେ ଶିବାନୀ। ‘ବିଦ୍ୟାରାଣ’ରେ ଦ୍ବିତୀୟ ଥର ଲାଗି ପରଦାକୁ ଆସୁଛନ୍ତି ବାବୁସାନ୍-ଶିବାନୀ। ଏଥିରେ ବାବୁସାନ୍-ଶିବାନୀଙ୍କ ବ୍ୟତୀତ ମିହିର ଦାସ, ବବି ମିଶ୍ର, ପୀୟୂଷ ଏବଂ ଯୋଗେଶ ଜୋଜୋ ପ୍ରମୁଖଙ୍କୁ ଦେଖିବାକୁ ମିଳିବ।

ଜ୍ୟୋତି ଦାସ ଏହି ସିନେମାର ନିର୍ଦେଶକ। ଆଗରୁ ସେ ‘ତୋ’ ବିନା ଭଲ ଲାଗେନା’, ‘ଶୁଭବିବାହ’, ‘ଗୁଡ ବୟ’ ଏବଂ ‘ଇଶ୍କ ପୁଣି ଥରେ’ ଆଦି ସିନେମାର ନିର୍ଦେଶନା ଦେଇଛନ୍ତି। ‘ବିଦ୍ୟାରାଣ’ର ପ୍ରଯୋଜନା କରୁଛନ୍ତି ନିରଞ୍ଜନ ନାୟକ ଏବଂ ପ୍ରଦୀପ୍ତ କିଶୋର ଆଚାର୍ଯ୍ୟ। ବୈଦ୍ୟନାଥ ଦାଶ ଏଥିରେ ସଙ୍ଗୀତ ନିର୍ଦେଶନା ଦେଇଛନ୍ତି। ବାପୁ ଗୋସ୍ବାମୀ ଏହାର ସଂଳାପ ଲେଖିଛନ୍ତି।

ସମ୍ବନ୍ଧିତ ଖବର

Comments are closed.