ଭୁବନେଶ୍ୱର : ଓଲିଉଡର ଷ୍ଟାରସନ୍ ବାବୁସାନ୍ ଇତିମଧ୍ୟରେ ଜଣେ ନିର୍ଦ୍ଦେଶକଙ୍କ ସହ ଏଗାରଟି ସିନେମାରେ କାମ କରିସାରିଲେଣି। ଏବେ ବାର ନମ୍ବର ଫିଲ୍ମର ସୁଟିଂ କରୁଛନ୍ତି ଏହି ନିର୍ଦ୍ଦେଶକ-ନାୟକଙ୍କ ଯୋଡ଼ି। ଏଠାରେ ଯେଉଁ ନିର୍ଦ୍ଦେଶକଙ୍କ କଥା କୁହାଯାଉଛି, ସେ ହେଲେ ଷ୍ଟାଇଲିସ୍ ଡିରେକ୍ଟର ଅଶୋକ ପତି।
Sambad is now on WhatsApp
Join and get latest news updates delivered to you via WhatsApp
ଅଶୋକ ପତି ବାବୁସାନ୍ଙ୍କୁ ନାୟକ ଭାବେ ନେଇ ସର୍ବ ପ୍ରଥମେ ତିଆରି କରିଥିଲେ ଓଡ଼ିଆ ଛବି ‘ସଂଜୁ ଆଉ ସଂଜନା’। ଏହାପରେ ଅଶୋକ ତାଙ୍କ ନିର୍ଦ୍ଦେଶିତ ଅଧିକାଂଶ ଫିଲ୍ମରେ ବାବୁସାନ୍ଙ୍କୁ ନାୟକ ରୂପେ ନେଇଛନ୍ତି। ‘ସଂଜୁ ଆଉ ସଂଜନା’ ପରେ ଅଶୋକ-ବାବୁସାନ୍ଙ୍କ ଯୋଡ଼ି ଯେଉଁସବୁ ଫିଲ୍ମରେ ଏକାଠି କାମ କରିଥିଲେ ସେଗୁଡ଼ିକ ହେଲା ଲୋଫର୍, ଦୋସ୍ତି, ଓ୍ଵାନ୍ ଫୋର୍ ଥ୍ରି ଆଇ ଲଭ୍ ୟୁ, ଇଡିଅଟ୍, ଦିଓ୍ଵାନା ଦିଓ୍ଵାନି, ଲଭ ପାଇଁ କୁଛ୍ ଭି କରେଗା ଓ ସିଷ୍ଟର ଶ୍ରୀଦେବୀ।
ବାବୁସାନ୍-ଅଶୋକ ପତିଙ୍କ ଯୋଡ଼ି ନଟ୍ ଆଉଟ୍ ରହିଛନ୍ତି। ଏହି ଯୋଡ଼ିର ଦୁଇଟି ବ୍ଲକବଷ୍ଟର ମୁଭି ହେଲା ‘ସୁପର ମିଛୁଆ’ ଏବଂ ‘ଲଭ୍ ଷ୍ଟେସନ’।
ଏବେ ଏହି ଯୋଡ଼ି ସେମାନଙ୍କର ୧୨ ନମ୍ବର ସିନେମାର ସୁଟିଂ ଜୋରସୋରରେ ଚଳାଇଛନ୍ତି। ଏଯାବତ୍ ଏହି ଫିଲ୍ମର ଟାଇଟଲ୍ ଫାଇନାଲ୍ ହୋଇନାହିଁ। ଏହି ଫିଲ୍ମର ପ୍ରଯୋଜନା କରୁଛନ୍ତି ଓଲିଉଡର ଜଣାଶୁଣା ପ୍ରଯୋଜନା ସଂସ୍ଥା ତରଙ୍ଗ ସିନେ ପ୍ରଡକସନ୍ସ। ସୀତାଂଶୁ ମହାପାତ୍ର ଏହା ନାମକରଣ ହୋଇନଥିବା ସିନେମାର ସିନେମାଟୋଗ୍ରାଫର୍। ଏଥିରେ ବରିଷ୍ଠ ଅଭିନେତା ମିହିର ଦାସ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।