୫୦ଜଣ ଗର୍ଭବତୀ ମହିଳାଙ୍କୁ ଏହି ଉପହାର ଦେବାକୁ ଯାଉଛି ଫିଲ୍ମ ‘ବଧାଇ ହୋ’ ଟିମ୍, ଜାଣନ୍ତୁ କ’ଣ ରହିଛି ଖାସ୍
ମୁମ୍ବାଇ : ଫିଲ୍ମ ‘ବଧାଇ ହୋ’ର କାହାଣୀ ଟ୍ରେଲର ରିଲିଜ ପରେ କିଛି କିଛି ଜଣା ପଡ଼ି ସାରିଥିବା ବେଳେ କାହାଣୀକୁ ନେଇ ଲୋକମାନଙ୍କ ମନରେ କୌତୁହ ସୃଷ୍ଟି ହୋଇଛି । କାହାଣୀ ସମସ୍ତଙ୍କୁ ଭିନ୍ନ ଲାଗୁଥିବା ବେଳେ ଫିଲ୍ମଟି ଭଲ ବ୍ୟବସାୟ କରିବ ବୋଲି ଆଶା ରଖିଛନ୍ତି କଳାକାର ଏବଂ ଫିଲ୍ମ ସହ ଜଡ଼ିତ ସମସ୍ତ ସଦସ୍ୟ ।
Sambad is now on WhatsApp
Join and get latest news updates delivered to you via WhatsApp
ଅକ୍ଟୋବର ୧୯ରେ ଫିଲ୍ମ ରିଲିଜ୍ ହେବାକୁ ଥିବା ବେଳେ ଏହାର ପ୍ରମୋସନ ଏକ ଭିନ୍ନ ଉପାୟରେ କରାଯାଉଥିବା ଜଣା ପଡ଼ିଛି । ରିଲିଜ୍ ପୂର୍ବରୁ ଅକ୍ଟୋବର ୧୦ରେ ଫିଲ୍ମର ନିର୍ମାତା ମୁମ୍ବାଇରେ ୫୦ଜଣ ଗର୍ଭବତୀ ମହିଳାଙ୍କ ବେବି ସାଓ୍ଵାର କରିବାକୁ ଯାଉଥିବା ସୂଚନା ମିଳିଛି । ଫିଲ୍ମରେ ମୁଖ୍ୟ ଚରିତ୍ରରେ ନଜର ଆସୁଥିବା ଅଭିନେତା ଆୟୁଷ୍ମାନ୍ ଖୁରାନା ନିଜେ ଏକ ନିମନ୍ତ୍ରଣ କାର୍ଡ଼ ଟ୍ଵିଟର ଆକାଉଣ୍ଟରେ ପୋଷ୍ଟ କରି ସବୁଠାରୁ ବଡ଼ ବେବି ସାଓ୍ଵାର ବିଷୟରେ ସୂଚନା ଦେଇଛନ୍ତି ।
ନିମନ୍ତ୍ରଣ କାର୍ଡ଼ର ଫଟୋ ପୋଷ୍ଟ କରି ଯଦି ସେ ଲେଖିଛନ୍ତି, ଯଦି ଆପଣ ୫ ମାସ ବା ତା’ଠାରୁ ଅଧିକ ଦିନର ଗର୍ବବତୀ ଅଛନ୍ତି । ତେବେ ଏହି ଖୁସିକୁ ଆମ ସହ ମିଶି ପାଳନ କରନ୍ତୁ ବୋଲି ଆୟୁଷ୍ମାନ ଲେଖିଥିବା ଦେଖାଯାଇଛି। ତେବେ ଏ ସବୁ ଫିଲ୍ମର ପ୍ରମୋସନ ପାଇଁ କରାଯାଉଥିବା ଜଣା ପଡ଼ିଛି ।