ଜୀ ସାର୍ଥକ ଫିଲ୍ମସ୍ ସବୁବେଳେ ନୂଆ ତଥା ଓଡ଼ିଆ କାହାଣୀ ଆଧାରିତ ପାରିବାରିକ ଚଳଚ୍ଚିତ୍ର ଦର୍ଶକଙ୍କୁ ଭେଟି ଦେଇଆସିଛି। ପୁଣି ଥରେ ଏଇ ପ୍ରଡକ୍ସନ୍ ହାଉସ୍ ନିର୍ମାଣ କରିଛି ଚଳଚ୍ଚିତ୍ର ‘ବାହାଘର ଡଟ୍ କମ୍। ଏକ ନିଆରା ଓ ରହସ୍ୟମୟ କାହାଣୀକୁ ନେଇ ଏହି ଚଳଚ୍ଚିତ୍ରଟି ନିର୍ମାଣ ହୋଇଛି। ଏହା ଆଜି ସନ୍ଧ୍ୟା ୬.୩୦ରେ ଜୀ ସାର୍ଥକ ଚ୍ୟାନେଲ୍ରେ ଦର୍ଶକ ଦେଖିପାରିବେ।
Sambad is now on WhatsApp
Join and get latest news updates delivered to you via WhatsApp
ଅନିଚ୍ଛା ସତ୍ତ୍ବେ ନାୟକ ଋଷି ନିଜ ମା’ଙ୍କ ଶେଷ ଇଛା ପୂରଣ କରିବାକୁ ଯାଇ ସାୟଲ୍ଙ୍କୁ ବିବାହ କରୁଛନ୍ତି, ଭିନ୍ନ ଏକ ଢଙ୍ଗରେ ବାହାଘର ହେଉଥିଲେ ମଧ୍ୟ ଏହାର କାହାଣୀରେ ଆସୁଛି ନୂଆ ଏକ ମୋଡ଼। ଆଉ ତା’ପରେ ଯାହା ଘଟୁଛି, ତାହା ଅବର୍ଣ୍ଣନୀୟ। ଏମିତି କାହାଣୀ ଦର୍ଶକଙ୍କୁ ଚକିତ କରିବ ବୋଲି ଆଶା କରାଯାଉଛି। ଏଇ ରୋମାଣ୍ଟିକ୍ କାହାଣୀଟି ଦର୍ଶକଙ୍କୁ ସମ୍ଭବତଃ ଏକ ଅନୁଭୂତି ଦେବ।
ଓମ୍ ସାଇ ବ୍ୟାନର ନିବେଦିତ ଏଇ ଚଳଚ୍ଚିତ୍ରଟିର ପ୍ରଯୋଜନା କରିଛନ୍ତି ପ୍ରଦ୍ୟୁମ୍ନ ଲେଙ୍କା ଓ ନିର୍ଦ୍ଦେଶନା ଦେଇଛନ୍ତି ସୁଧାଂଶୁ ସାହୁ। ସେହିପରି ଚଳଚ୍ଚିତ୍ରର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଗୁଡ୍ଲୀ ରଥ। ଏକ ପାରିବାରିକ କାହାଣୀକୁ ନେଇ ‘ବାହାଘର ଡଟ୍ କମ୍’ ଆଧାରିତ। ଏଥିରେ ଋଷି, ସାୟଲ୍ ମୁଖାର୍ଜୀ, ପୁଷ୍ପା ପଣ୍ଡା ଏବଂ ପ୍ରଦ୍ୟୁମ୍ନ ଲେଙ୍କାଙ୍କୁ ପ୍ରମୁଖ ଭୂମିକାରେ ଦେଖିବାକୁ ମିଳିବ।