ନିର୍ଦ୍ଦେଶକଙ୍କ ବିରୋଧରେ ନିର୍ଯାତନା ଅଭିଯୋଗ ଆଣିଥିବା ଅଭିନେତ୍ରୀ ଏଲସାଙ୍କ ୟୁଟର୍ଣ୍ଣ; କହିଲେ ବିବାଦର ଆପୋଷ ସମାଧାନ ହୋଇଛି
ଭୁବନେଶ୍ବର : ଓଡ଼ିଆ ଫିଲ୍ମ ‘ତୁ ମୋ ସୁନାଚଢ଼େଇ’ର ନାୟିକା ଏଲସା ଓ ନିର୍ଦ୍ଦେଶକ ଏସ୍. ଦିଲ୍ଲୀପ ପଣ୍ଡାଙ୍କ ଭିତରେ ଦେଖାଦେଇଥିବା ବିବାଦ ଘଟଣାରେ ନାଟକୀୟ ମୋଡ଼ ଆସିଛି । ଗତ ୨ ଦିନ ଧରି ନିର୍ଦ୍ଦେଶକ ଏସ୍. ଦିଲ୍ଲୀପ ପଣ୍ଡାଙ୍କ ବିରୋଧରେ ନିର୍ଯାତନା ଅଭିଯୋଗ ଆଣିଥିବା ଅଭିନେତ୍ରୀ ଏଲସା ନେଇଛନ୍ତି ୟୁଟର୍ଣ୍ଣ । ଆଜି ଏକ ସାମ୍ବାଦିକ ସମ୍ମିଳନୀର ଏଲସା କହିଛନ୍ତି ଯେ ନିର୍ଦେଶକଙ୍କ ସହ ଦେଖାଦେଇଥିବା ବିବାଦର ଆପୋସ ବୁଝାମଣାରେ ସମାଧାନ ହୋଇଛି। ସମସ୍ୟା କିଛି ବଡ଼ ନ ଥିଲା, ସେ ରାଗ ମୁଡରେ ଥିବାରୁ ଅଡିଓ ରିଲିଜ ବେଳେ ଏପରି ଅଭିଯୋଗ ଆଣିଥିଲେ।
Sambad is now on WhatsApp
Join and get latest news updates delivered to you via WhatsApp
ଏପରିକି ସେମାନଙ୍କ ବିବାଦ ଭିତରେ ତୃତୀୟ ବ୍ୟକ୍ତି ନପଶିବାକୁ ଅଭିନେତ୍ରୀ ଏଲସା କହିଛନ୍ତି । ଅଡିଓ ରିଲିଜ ବେଳେ ଯାହା ହୋଇଥିଲା ଭୁଲ ବୁଝାମଣା ଯୋଗୁ ହୋଇଥିବା ସେ ସଫେଇ ଦେଇଛନ୍ତି । ଫିଲ୍ମ ତୁ ମୋ ସୁନା ଚଢେଇର ଅଡିଓ ରିଲିଜ ସମୟରେ ଫିଲ୍ମର ନିର୍ଦ୍ଦେଶକ ଦୀଲ୍ଲିପ ପଣ୍ଡାଙ୍କ ବିରୋଧରେ ମାନସିକ ନିର୍ଯ୍ୟାତନା ଅଭିଯୋଗ ଆଣିଥିଲେ ବଙ୍ଗୀୟ ଅଭିନେତ୍ରୀ ତଥା ଫିଲ୍ମର ଲିଡ ନାୟିକା ଏଲସା ଘୋଷ । ଫିଲ୍ମରେ ତାଙ୍କ ଦୃଶ୍ୟ ଓଗୀତ କଟାଯାଇଥିବା ସେ ଅଭିଯୋଗ ଆଣିଥିଲେ ।