ସେକ୍ସ ର୍ୟାକେଟରେ ଫସିଥିବା ପବନ ସିଂହଙ୍କ ସହ ଏହି ଅଭିନେତ୍ରୀଙ୍କୁ ମିଳିଲା କ୍ଲିନ୍ ଚିଟ୍, ଜାମିନ ମିଳିବା ପରେ କଲେ ଚାଞ୍ଚଲ୍ୟକର ଖୁଲାସା
ନୂଆଦିଲ୍ଲୀ : ଅଭିନେତା ପବନ ସିଂହ ଓ ଅଭିନେତ୍ରୀ ଦିୟା ସିଂହଙ୍କୁ ହାଇପ୍ରୋଫାଇଲ ସେକ୍ସ ର୍ୟାକେଟ ମାମଲାରେ ହାଇକୋର୍ଟରୁ କ୍ଲିନ୍ ଚିଟ୍ ମିଳିଛି । ଚଳିତ ବର୍ଷ ହାଇଦ୍ରାବାଦ୍ ପୁଲିସ ତେଲେଙ୍ଗାନାର ଏକ ପାଞ୍ଚତାରକା ହୋଟେଲରେ ଛାପା ମାରି ହାଇପ୍ରୋଫାଇଲ ସେକ୍ସ ର୍ୟାକେଟର ପର୍ଦ୍ଦାଫାଶ୍ କରିଥିବା ଦାବି କରିଥିଲା । ଏହି ସେକ୍ସ ର୍ୟାକେଟରେ ହୋଟେଲରୁ ଅଭିନେତ୍ରୀ ଦିୟାଙ୍କୁ ମଧ୍ୟ ଗିରଫ କରିଥିଲା ପୁଲିସ । ଏହି ର୍ୟାକେଟରେ ତାଙ୍କ ହାତ ଥିବା ନେଇ ଅନେକ ଚର୍ଚ୍ଚା ହୋଇଥିବା ବେଳେ ଏବେ ତାଙ୍କୁ ହାଇକୋର୍ଟ ତରଫରୁ ଜାମିନ ମିଳିଛି । ଜାମିନ ମିଳିବା ପରେ ପ୍ରଥମ ଥର ପାଇଁ ଦିୟା ମୁହଁ ଖୋଲିଛନ୍ତି । କିଭଳି ଭାବରେ ତାଙ୍କୁ ଏହି ର୍ୟାକେଟରେ ଫସାଇ ଦିଆ ଯାଇଥିଲା ସେ ବିଷୟରେ ସେ ଜଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ,”ଜର୍ନାଦନ ରାଓ ଏବଂ ଜନ୍ନ ନାମକ ଦୁଇ ଜଣ ବ୍ୟକ୍ତି ସାଉଥ୍ ଫିଲ୍ମ ପାଇଁ ତାଙ୍କୁ ପ୍ରସ୍ତାବ ଦେଇଥିଲେ । ଫିଲ୍ମ ଦେବା ବାହାନାରେ ତାଙ୍କୁ ହାଇଦ୍ରାବାଦ୍ ଡ଼କାଯିବା ସହ ହୋଟେଲ ରୁମ୍କୁ ଫିଲ୍ମର ପ୍ରଯୋଜକ-ନିର୍ଦ୍ଦେଶକ ମଧ୍ୟ ଆସିଥିଲେ । ଏହି ସମୟରେ ହଠାତ୍ ପୁଲିସ ସେହି ହୋଟେଲରେ ଛାପା ମାରିବା ସହ ଦିୟାଙ୍କୁ ର୍ୟାକେଟର ସଦସ୍ୟା ଭାବି ଗିରଫ କରିଥିଲା । ସେ ସମୟରେ ତାଙ୍କ କିଛି ନକଲି ଭିଡ଼ିଓ ମଧ୍ୟ ଭାଇରାଲ ହୋଇଥିଲା । ଯାହାକୁ ସେ ନକଲି କହିବା ସହ ମୋତେ ଫସାଇଥିବା ଲୋକମାନେ ଅନ୍ୟ ଝିଅମାନଙ୍କ ସହ ମଧ୍ୟ ଏପରି କରିଛନ୍ତି।”