ସ୍ବାଧୀନତା ଦିବସରେ ରିଲିଜ୍ ହେବ ‘ଭୁଜ୍: ଦ ପ୍ରାଇଡ୍ ଅଫ୍ ଇଣ୍ଡିଆ’!
ଆସନ୍ତା ସ୍ବାଧୀନତା ଦିବସ ଉପଲକ୍ଷେ ଡିଜନି ପ୍ଲସ୍ ହଟ୍ଷ୍ଟାର୍ରେ ମୁକ୍ତିଲାଭ କରିବ ‘ଭୁଜ: ଦ ପ୍ରାଇଡ୍ ଅଫ୍ ଇଣ୍ଡିଆ’। ଏନେଇ ହଟ୍ଷ୍ଟାର୍ ପକ୍ଷରୁ କୌଣସି ଆଧିକାରିକ ସୂଚନା ଦିଆଯାଇନଥିଲେ ହେଁ ପ୍ରଡକ୍ସନ ହାଉସ୍ ପକ୍ଷରୁ ଏପରି ନିଷ୍ପତ୍ତି ନିଆଯାଇଥିବା ନେଇ ଚର୍ଚ୍ଚା ହେଉଛି। ଏହା ଏକ ଦେଶପ୍ରେମ ଆଧାରିତ କାହାଣୀ। ଏଥିରେ ମୁଖ୍ୟ ନାୟକ ସାଜିଛନ୍ତି ‘ତାନାଜୀ: ଦ ଅନସଙ୍ଗ୍ ୱାରିଅର୍’ର ମୁଖ୍ୟ ଚରିତ୍ର ଅଜୟ ଦେବଗନ୍।
Sambad is now on WhatsApp
Join and get latest news updates delivered to you via WhatsApp
ଅଜୟଙ୍କ ବ୍ୟତୀତ ସଞ୍ଜୟ ଦତ୍ତ, ସୋନାକ୍ଷୀ ସିହ୍ନା, ନୋରା ଫତେହୀ, ଶରଦ କେଲକର୍, ଓ ଆମ୍ମି ବିର୍କଙ୍କୁ ମଧ୍ୟ ପ୍ରମୁଖ ଭୂମିକାରେ ଦେଖିବାକୁ ମିଳିବ। ୧୯୭୧ରେ ଭାରତ-ପାକିସ୍ତାନ ଯୁଦ୍ଧ ସମୟରେ ସୀମାରେ ଭାରତୀୟ ସେନାନୀଙ୍କ ଦ୍ବାରା ବ୍ୟବହୃତ ଏକ ଏୟାର୍ ବସ୍କୁ ପାକିସ୍ତାନୀ ସେନା ବମିଙ୍ଗ୍ କରି ଚୂରମାର୍ କରିଦେଇଥିଲେ। ଅଜୟ ଏଥିରେ ସ୍କ୍ବାଡ୍ରନ୍ ଲିଡର୍ ବିଜୟ କାର୍ଣ୍ଣିକ ଭୂମିକାରେ ଅବତୀର୍ଣ୍ଣ ହୋଇଛନ୍ତି।