ଶ୍ରୀସନ୍ଥଙ୍କୁ ଟାର୍ଗେଟ କଲେ ପୂର୍ବ ପ୍ରେମିକା ନିକେଶା: କହିଲେ;ସ୍ତ୍ରୀକୁ ଯଦି ଏତେ ଭଲ ପାଉଥିଲ ତେବେ ମୋ ସହ ବର୍ଷେ ଲିଭ୍ ଇନ୍ରେ କେମିତି ରହିଥିଲ?
ମୁମ୍ବାଇ : ଦେଶର ସବୁଠାରୁ ଚର୍ଚ୍ଚିତ ରିୟାଲିଟି ସୋ’ ହେଉଛି ବିଗ୍ ବସ୍ । ଏହାର ସିଜିନ୍-୧୨ ଗତ ମାସରେ ଆରମ୍ଭ ହୋଇଥିବା ବେଳେ ଆରମ୍ଭରୁ ହିଁ ଏହାର ପ୍ରତିଯୋଗୀଙ୍କୁ ନେଇ ବିବାଦ ଆରମ୍ଭ ହୋଇଛି । ପୂର୍ବରୁ ଅନୁପ୍ ଜଲୋଟା ଏବଂ ଜସ୍ଲିନ୍ଙ୍କ ମଧ୍ୟରେ ଥିବା ପ୍ରେମ ସଂପର୍କକୁ ନେଇ ଅନେକ ଚର୍ଚ୍ଚା ହୋଇଥିବା ବେଳେ ଏବେ କ୍ରିକେଟର୍ ଶ୍ରୀସନ୍ଥଙ୍କୁ ନେଇ ଚର୍ଚ୍ଚା ଜୋର ଧରିଛି । ଘର ଭିତରେ ଥିବା ସମସ୍ତ ପ୍ରତିଯୋଗୀମାନଙ୍କ ମଧ୍ୟରୁ ଶ୍ରୀସନ୍ଥଙ୍କୁ ସମସ୍ତେ ଭଲ ବୋଲି ଭାବିବା ଆରମ୍ଭ କରିଥିବା ବେଳେ ଧିରେ ଧିରେ ସମସ୍ତେ ତାଙ୍କ ବନ୍ଧୁ ବନିବାରେ ଲାଗିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସବୁ ପ୍ରତିଯୋଗୀମାନଙ୍କ ମଧ୍ୟରୁ ଶ୍ରୀସନ୍ଥ ସବୁବେଳେ ସତ କହିଥାନ୍ତି ବୋଲି ପ୍ରତିଯୋଗୀମାନେ ଭାବୁଥିବା ବେଳେ ପୂର୍ବ ପ୍ରେମିକା ତାଙ୍କୁ ନେଇ କରିଥିବା ଖୁଲାସା ଏବେ ସମସ୍ତଙ୍କୁ ଭାବିବା ପାଇଁ ବାଧ୍ୟ କରିଛି । ସୂଚନା ମୁତାବକ, ଘର ମଧ୍ୟରେ ଶ୍ରୀସନ୍ଥ ବିବାହର ୭ବର୍ଷ ପୂର୍ବରୁ ସେ ନିଜ ସ୍ତ୍ରୀଙ୍କୁ ଡ଼େଟ୍ କରିବା ଆରମ୍ଭ କରିଥିବା କହିଥିଲେ । ୭ବର୍ଷ ପରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ ବୋଲି ଶ୍ରୀସନ୍ଥ ସମସ୍ତଙ୍କୁ ଜଣାଇଥିଲେ । କିନ୍ତୁ ଏବେ ଶ୍ରୀସନ୍ଥଙ୍କ ଏହି କଥାକୁ ମିଛ ବୋଲି କହିଛନ୍ତି ତାଙ୍କ ପୂର୍ବ ପ୍ରେମିକା ତଥା ଅଭିନେତ୍ରୀ ନିକେଶା ପଟେଲ ।
ନିକେଶାଙ୍କ କହିବା ଅନୁଯାୟୀ,”ବିଗ୍ ବସ୍ରେ ଶ୍ରୀସନ୍ଥ ନିଜ ପତ୍ନୀଙ୍କ ସହ ୭ବର୍ଷ ପ୍ରେମ ସଂପର୍କରେ ରହିବା କଥା ଶୁଣି ମୁଁ ଆଶ୍ଚର୍ଯ୍ୟ ହୋଇ ଯାଇଥିଲି । ଯଦି ଶ୍ରୀସନ୍ଥ ନିଜ ପତ୍ନୀଙ୍କ ସହ ୭ବର୍ଷ ପ୍ରେମ ସଂପର୍କରେ ଥିଲେ ଏବଂ ଖୁସି ଥିଲେ ତେବେ ସେ ମୋ ସହ ବର୍ଷେ ପର୍ଯ୍ୟନ୍ତ ଲିଭ୍ ଇନ୍ରେ କିପରି ରହିଥିଲେ । ବ୍ରେକ୍ ଅପ୍ ପରେ ମୁଁ ତାଙ୍କ ସହ ଦେଖା ହୋଇ ନାହିଁ ସତ । କିନ୍ତୁ ଆଜି ବି ମୋ ମନରେ ତାଙ୍କୁ ନେଇ ଅନେକ ପ୍ରଶ୍ନ ରହିଛି । ଯେଉଁଥି ପାଇଁ ମୁଁ ତାଙ୍କୁ ଆଜି ପର୍ଯ୍ୟନ୍ତ ଭୁଲି ପାରି ନାହିଁ । ସୋ’ରେ ସେ ମହାନ ହେବା ପାଇଁ ଚେଷ୍ଟା କରୁଛନ୍ତି । କିନ୍ତୁ ମୁଁ ତାଙ୍କ ଅସଲ ଚେହେରା ଦେଖିଛି । ସେ ଜମା ବି ମହାନ ନୁହନ୍ତି । ସୋ’ରେ ସେ ନିଜର ଭାବମୂର୍ତ୍ତି ଭଲ ରଖିବା ପାଇଁ ଏପରି କରୁଛନ୍ତି । କିନ୍ତୁ୍ୁ ଅସଲ ଜୀବନରେ ସେ ମହିଳାମାନଙ୍କ ସମ୍ମାନ ଜମା ବି କରନ୍ତି ନାହିଁ।”