ଚଳିତ ବର୍ଷ ଯୁଦ୍ଧ ବିଷୟବସ୍ତୁକୁ ନେଇ ଆଧାରିତ ହେବ ବିଗ୍ ବସ୍-୧୩! ନଜର ଆସିବେ ନାହିଁ ଜଲ୍ଲାଦ୍
ମୁମ୍ବାଇ : ସେପ୍ଟେମ୍ବର ମାସରେ ଆରମ୍ଭ ହେବାକୁ ଯାଉଛି ଛୋଟ ପରଦାର ସବୁଠାରୁ ବଡ଼ ରିୟଲିଟି ସୋ’ ବିଗ୍ ବସ୍ । ସଲମାନ ଏହାର ପ୍ରଥମ ପ୍ରୋମୋ ସୁଟ୍ କରି ସାରିଥିବା ବେଳେ ଖୁବ୍ ଶୀଘ୍ର ଏହାକୁ ରିଲିଜ୍ କରାଯିବ ବୋଲି ଜଣାପଡ଼ିଛି । ତେବେ ଅଗଷ୍ଟ ୧୩ରେ କଲର୍ସ ଚ୍ୟାନେଲ ପକ୍ଷରୁ କରାଯାଇଥିବା ଟୁଇଟ୍ ପରେ ସୋ’କୁ ନେଇ ଚର୍ଚ୍ଚା ଆରମ୍ଭ ହୋଇ ଯାଇଛି । ଚଳିତ ବର୍ଷ ଯୁଦ୍ଧ ବିଷୟବସ୍ତୁକୁ ନେଇ ବିଗ୍ ବସ୍ ଆରମ୍ଭ ହେବ ବୋଲି କଲର୍ସ ଚ୍ୟାନେଲ ପକ୍ଷରୁ କରାଯାଇଥିବା ଟୁଇଟ୍କୁ ନେଇ ଦର୍ଶକେ ଆଲୋଚନା କରିବା ଆରମ୍ଭ କରି ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
All you #BiggBoss fans, here’s a tricky question for you!
If #ShilpaShinde and @ms_dipika
were in the same season of #BiggBoss, who do you think would have won? #BB13Tweet using #BB13War and let us know! 🙂
— COLORS (@ColorsTV) August 14, 2019
ଯଦି ଶିଳ୍ପା ସିନ୍ଦେ ଓ ଦୀପିକା କକ୍କର ଗୋଟେ ସିଜିନ୍ରେ ସାଥୀରେ ଆସିଥାନ୍ତେ, ତେବେ କିଏ ସୋ’ ଜିତିଥାନ୍ତା ବୋଲି ଆପଣ ଭାବୁଛନ୍ତି ? #BB13War ଲେଖାଯାଇ ଏଭଳି ପ୍ରଶ୍ନ କରାଯାଇଥିବାରୁ ବିଗ୍ ବସ୍ ସିଜିନ୍-୧୩ ଯୁଦ୍ଧ ବିଷୟବସ୍ତୁକୁ ନେଇ ଆରମ୍ଭ ହେବ ବୋଲି ଲୋକେ ଆଶଙ୍କା କରୁଛନ୍ତି । ତେବେ ଚଳିତ ବର୍ଷ ସୋ’ରେ ସମସ୍ତଙ୍କ ପ୍ରିୟ ଜଲ୍ଲାଦ୍ ମଧ୍ୟ ନଜର ଆସିବେ ନାହିଁ ବୋଲି ଜଣାପଡ଼ିଛି । ଜଲ୍ଲାଦ ଭୂମିକାରେ ଥିବା ଚିନ୍ତନ ଗାଙ୍ଗର ଏ ନେଇ ଇନ୍ଷ୍ଟାରେ ପୋଷ୍ଟ କରି ଜଣାଇଛନ୍ତି । ପୋଷ୍ଟରେ, ମୁଁ ସବୁଦିନ ପାଇଁ ଅଭିନୟ ଛାଡ଼ି ଦେଇଛି । ଦୟାକରି ମୋତେ ମୋ କାମ ଓ ଅଭିନୟକୁ ନେଇ କୌଣସି ପ୍ରଶ୍ନ କରିବେ ନାହିଁ । ମୁଁ ବିଗ୍ ବସ୍ରେ ଆଉ ନଜର ଆସିବି ନାହିଁ । ୬ବର୍ଷ ମୋତେ ଭଲପାଇବା ଓ ସମର୍ଥନ ଦେଇଥିବାରୁ ଧନ୍ୟବାଦ୍ ବୋଲି ଲେଖିଥିଲେ ଚିନ୍ତନ ।