ମୁମ୍ବାଇ: ଅକ୍ଟୋବର ୧୫ ତାରିଖରୁ ଦବଙ୍ଗବୟ ସଲମାନ ଖାନ ହୋଷ୍ଟ୍‌ କରିଥିବା  'ବିଗ୍‌ବସ୍‌-୧୭' ଏଥର ଖୁବ୍‌‌ ବେଶି ମନୋରଞ୍ଜନ ନେଇ ଫେରୁଛି। ନିକଟରେ ସେ ପ୍ରିମିୟର୍ ଏପିସୋଡ୍ ପାଇଁ ସୁଟ୍ କରିଥିଲେ ଏବଂ ବର୍ତ୍ତମାନ ଏହାର ପ୍ରୋମୋ ଭିଡିଓ ଦେଖିବାକୁ ମିଳିଛି।

Advertisment

ପ୍ରୋମୋ ଭିଡିଓରେ ସୁପର୍‌ଷ୍ଟାର୍‌ ସଲମାନ ଖାନ ତାଙ୍କର ହିଟ୍ ଗୀତରେ ସୁନ୍ଦରୀମାନଙ୍କ ସହିତ ନାଚୁଥିବାର ନଜର ଆସିଛନ୍ତି। 'ବିଗ୍‌ବସ୍‌ -୧୭' ର ବିଷୟବସ୍ତୁ ହେଉଛି ଦମ୍ପତି ବନାମ ସିଙ୍ଗଲ୍‌, ଏବଂ ସୋ’କୁ ୧୭ ଜଣ ପ୍ରତିଯୋଗୀ ଆସିବାର ଖବର ଅଛି।
କୁହାଯାଉଛି ଯେ ଅକ୍ଟୋବର ୧୩ରେ, ସମସ୍ତ ୧୭ ଜଣ ଯାକ ପ୍ରତିଯୋଗୀ ବିଗ୍ ବସ୍-୧୭ ଘରେ ପ୍ରବେଶ କରିବେ। ଆନୁଷ୍ଠାନିକ ଭାବେ ଏପର୍ଯ୍ୟନ୍ତ କାହାରି ବି ନାମ ପ୍ରକାଶ କରାଯାଇ ନାହିଁ, କିନ୍ତୁ କିଛି ସେଲିବ୍ରେଟଙ୍କ ନାମ ଉପରେ ଆଲୋଚନା ହେଉଛି। ଅନୁମାନ କରାଯାଉଛି ଯେ ସେମାନେ ଏଥର ଏହି ମେଗା ସୋ’ରେ ନଜର ଆସିପାରନ୍ତି।

ଖବର ଅନୁଯାୟୀ, ମୁନାୱାର ଫାରୁକି, ମାନ୍ନାରା ଚୋପ୍ରା, ଜିଗନା ବୋରା, ଐଶ୍ବର୍ଯ୍ୟା ଶର୍ମା-ନୀଲ ଭଟ୍ଟ, ଅଙ୍କିତା ଲୋଖଣ୍ଡେ-ବିକି ଜୈନ୍‌  ଆଦି ଏଥର ‘ବିଗ୍‌ ବସ୍‌-୧୭’ରେ ପ୍ରତିଦ୍ବନ୍ଦ୍ବିତା କରିବେ।
କୁହାଯାଉଛି ଯେ ଏଥର ‘ବିଗ୍‌ବସ୍‌’ ଘରର ଡିଜାଇନ୍ ୟୁରୋପୀୟ ଥିମ୍ ଦ୍ୱାରା ଅନୁପ୍ରାଣିତ ହୋଇଛି। ନିକଟରେ, ଯେତେବେଳେ ସଲମାନ 'ବିଗ୍ ବସ୍-୧୭' ର ମଞ୍ଚ ପରିଭ୍ରମଣ କରିଥିଲେ, ସେଟରେ ଭିକ୍ଟୋରିଆନ୍ ଚେହେରା ଏବଂ ରେଳ ଇଞ୍ଜିନ ମଧ୍ୟ ଦେଖିବାକୁ ମିଳିଥିଲା। ସେଇଥିରୁ ଅନୁମାନ କରାଯାଉଛି ଯେ ଏଥର ‘ବିଗ୍‌ବସ୍‌’ ଘରର ଡିଜାଇନ୍ ୟୁରୋପୀୟ ଥିମ୍ ଦ୍ୱାରା ଅନୁପ୍ରାଣିତ ହୋଇଛି।