ୟୁଟ୍ୟୁବର ଦାନିଶ ଜେହେନ୍ଙ୍କ ମୃତ୍ୟୁ ପରେ ତଦନ୍ତ ଦାବି କଲେ ଅଭିନେତ୍ରୀ ଶିଳ୍ପା ସିନ୍ଦେ: ରହସ୍ୟମୟ ଥିଲା ମୃତ୍ୟୁ, ତଦନ୍ତ ନିହାତି ଦରକାର
ମୁମ୍ବାଇ : କିଛି ଦିନ ତଳେ ୟୁଟ୍ୟୁବର ତଥା ଏମ୍ଟିଭିରେ ପ୍ରସାରିତ ହେଉଥିବା ସୋ’ ଏସ୍ ଅଫ୍ ସ୍ପେସ୍ରେ ଥିବା ପ୍ରତିଯୋଗୀ ଦାନିଶ ଜେହେନ୍ଙ୍କ ମୃତ୍ୟୁ ହୋଇଥିଲା । ବିବାହ ଭୋଜି ଖାଇ ଘରକୁ ଫେରୁଥିବା ବେଳେ ଏକ ସଡ଼କ ଦୁର୍ଘଟଣାର ଶିକାର ହୋଇ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ଏବେ ତାଙ୍କ ମୃତ୍ୟୁକୁ ନେଇ ଅନେକ ପ୍ରଶ୍ନ ଉଠାଇଛନ୍ତି ବିଗ୍ ବିସ୍-୧୧ର ବିଜେତା ଅଭିନେତ୍ରୀ ଶିଳ୍ପା ସିନ୍ଦେ ।
Sambad is now on WhatsApp
Join and get latest news updates delivered to you via WhatsApp
Heartfelt condolences on #mysterious accident of #DanishZehen
May his soul #RIP but he will himself clear the clouds on this planned accident and will then rest in peace
This requires immediate and serious investigation. He was not destined to go— Shilpa Shinde. Risk everything…Regret nothing… (@ShindeShilpaS) December 24, 2018
ଟୁଇଟ୍ କରି ଦାନିଶଙ୍କ ମୃତ୍ୟୁ ସନ୍ଦେହଜନକ ଥିଲା ଏବଂ ଏହାକୁ ନେଇ ପୁଲିସ କଡ଼ା ତଦନ୍ତ କରିବା ଦରକାର ବୋଲି କହିଛନ୍ତି ଶିଳ୍ପା ସିନ୍ଦେ । ଦାନିଶଙ୍କ ଏପରି ରହସ୍ୟମୟ ମୃତ୍ୟୁର ଖବର ଶୁଣିବା ପରେ ମୁଁ ଆଶ୍ଚର୍ଯ୍ୟ ହୋଇ ଯାଇଛି । ମୋ ତରଫରୁ ତାଙ୍କ ପରିବାର ଲୋକଙ୍କୁ ମୁଁ ସହାନୁଭୂତି ଜଣାଉଛି । କିନ୍ତୁ ଯଦି ତାଙ୍କୁ କେହି ହତ୍ୟା କରିଥାଏ,ତେବେ ତାଙ୍କ ଆତ୍ମାକୁ ଶାନ୍ତି ମିଳିବ ନାହିଁ । ମୁଁ ପୁଲିସକର୍ମୀଙ୍କୁ ଅନୁରୋଧ କରୁଛି, ସେ ଘଟଣାକୁ ନେଇ କଡ଼ା ତଦନ୍ତ କରନ୍ତୁ ବୋଲି ଲେଖି ଶିଳ୍ପା ଟୁଇଟ୍ କରିଥିଲେ । ଅନ୍ୟ ପକ୍ଷରେ ଦାନିଶଙ୍କ ପରିବାର ଲୋକଙ୍କ ଉପରେ କିଛି ମୌଲବୀ ଚାପ ପକାଉଥିବା ଜଣାପଡ଼ିଛି । ଦାନିଶଙ୍କ ୟୁଟ୍ୟୁବ୍ ଚ୍ୟାନଲରେ ଭିଡିଓ ସେୟାର କରି ଦାନିଶ ଭୁଲ ରାସ୍ତାରେ ଯାଉଥିବାରୁ ତାକୁ ଏଭଳି ଦଣ୍ଡ ମିଳିଛି ବୋଲି କହିବା ପାଇଁ କିଛି ମୌଲବୀ ଦାନିଶଙ୍କ ପରିବାର ଲୋକଙ୍କ ଉପରେ ଚାପ ସୃଷ୍ଟି କରିଛନ୍ତି ।