ଏକ ବିଜ୍ଞାପନରେ ଦେଖିଥିବେ ନିଶ୍ଚୟ ‘ଡରକେ ଆଗେ ଜିତ୍ ହୈ’। କିନ୍ତୁ ଏହି ବଲିଉଡ୍ ଷ୍ଟାରମାନଙ୍କର ଥିବା ଡର ବିଷୟରେ ଜାଣି ଆପଣ ଡରିବା ଅପେକ୍ଷା ହସିବାକୁ ଲାଗିବେ। ବଲିଉଡ ଏହି ୫ ଜଣ କଳାକାରଙ୍କର କିଛି ଏମିତି ଜିନିଷ ପ୍ରତି ଡର ରହିଛି ଯାହାକୁ ଜାଣିବା ପରେ ଆପଣ ଆଶ୍ଚର୍ଯ୍ୟ ହେବେ। ଆସନ୍ତୁ ଜାଣିବା କାହାର କେଉଁ ଜିନିଷ ପ୍ରତି ଡର ରହିଛି।
Sambad is now on WhatsApp
Join and get latest news updates delivered to you via WhatsApp
ଦୀପିକା ପାଦୁକୋନା: ପ୍ରଥମ କଥା ହେବା ବଲିଉଡ୍ର ‘ପଦ୍ମାବତୀ’ ଦୀପିକା ପାଦୁକୋନଙ୍କ ବିଷୟରେ। ଦୀପିକା ଚିନ୍ତାଗ୍ରସ୍ତ ହେବା କଥା ଭାବି ବହୁତ ଡରି ଯାଆନ୍ତି। ଜୀବନରେ ସେ କେବେ ବି ଯେପରି ଚିନ୍ତାଗ୍ରସ୍ତ ନ ହୁଅନ୍ତୁ ସେଥିପାଇଁ ସବୁବେଳେ ନକାରାତ୍ମକ ଜିନିଷଠାରୁ ନିଜକୁ ଦୂରେଇ ରଖନ୍ତି।
ରଣବୀର ପକୁର: ସାଧାରଣ ଭାବେ ଝିଅମାନେ ଅସରପା ଏବଂ ଝିଟିପିଟିକୁ ଡ଼ରିଥାନ୍ତି। କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ପରଦା ଉପରେ ହିରୋ ବନୁଥିବା ରଣବୀର କପୁର ଅସରପା ଏବଂ ଝିଟିପିଟି ଦେଖିଲେ ସେଠାରୁ ଉଭାନ ହୋଇଯାନ୍ତି।
ଆଲିଆ ଭଟ୍ଟ: ଅନ୍ଧାରରେ ଶୋଇବା ପାଇଁ ଡରନ୍ତି ‘ରାଜି’ର ଅଭିନେତ୍ରୀ ଆଲିଆ ଭଟ୍ଟ। ସେଥିପାଇଁ ଶୋଇବା ସମୟରେ ଘରର କବାଟ ଖୋଲା ରଖିବା ସହ ଲାଇଟ୍ ଲଗାଇ ରଖିଥାନ୍ତି ଆଲିଆ।
ଅର୍ଜୁନ କପୁର୍: ସିଲିଙ୍ଗ ଫ୍ୟାନ୍କୁ ଡରନ୍ତି ବଲିଉର୍ ଗୁଣ୍ଡା ଅର୍ଜୁନ କପୁର, ଯାହା ପାଇଁ ତାଙ୍କ ରୁମ୍ରେ କୌଣସି ବି ସିଲିଙ୍ଗ ଫ୍ୟାନ୍ ରଖା ଯାଇ ନାହିଁ।
ସୋନମ କପୁର: ଏଲିଭେଟରେ ଯିବା ପାଇଁ ଡରନ୍ତି ସୋନମ କପୁର। ଯେଉଁଥିପାଇଁ ସେ ସପିଂ ମଲ ଗଲେ ସିଡ଼ି ଚଢ଼ି ଉପରକୁ ଯାଇଥାନ୍ତି।