ଷଷ୍ଠ ପର୍ଯ୍ୟାୟ ମତଦାନରେ ନୂଆଦିଲ୍ଲୀରେ ଭୋଟ୍ ଦେଲେ ଏହି ସବୁ ବଲିଉଡ୍ କଳାକାର
ନୂଆଦିଲ୍ଲୀ : ଆଜି ସାରା ଦେଶରେ ଷଷ୍ଠ ପର୍ଯ୍ୟାୟ ମତଦାନ ହୋଇଛି । ପୂର୍ବ ପର୍ଯ୍ୟାୟଗୁଡ଼ିକରେ ମୁମ୍ବାଇର ପୋଲିଂ ବୁଥ୍ରେ ବଲିଉଡ୍ ଷ୍ଟାରମାନଙ୍କର ଭିଡ଼ ଜମୁଥିବା ବେଳେ ଷଷ୍ଠ ପର୍ଯ୍ୟାୟରେ ଦିଲ୍ଲୀରେ ବଲିଉଡ୍ କଳାକାରମାନଙ୍କର ଭିଡ଼ ଜମିଥିଲା । ଅଭିନେତ୍ରୀ ତାପ୍ସୀ ପନ୍ନୁଙ୍କଠାରୁ ଆରମ୍ଭ କରି ଅଭିନେତା ସିଦ୍ଧାର୍ଥ ମାଲହୋତ୍ରାଙ୍କ ପର୍ଯ୍ୟନ୍ତ ସମସ୍ତେ ମତଦାନ କରୁଥିବା ଦେଖା ଯାଇଥିଲା । ଦିଲ୍ଲୀର ବିଭିନ୍ନ ପୋଲିଂ ବୁଥ୍କୁ ଯାଇ ତାପ୍ସୀ ପନ୍ନୁ, ସିଦ୍ଧାର୍ଥ ମଲହୋତ୍ରା ଏବଂ ସ୍ୱରା ଭାସ୍କର ମତଦାନ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରବିବାର ସକାଳୁ ଆରମ୍ଭ ହୋଇଥିଲା ୨୦୧୯ ଲୋକସଭା ନିର୍ବାଚନର ଷଷ୍ଠ ପର୍ଯ୍ୟାୟ। ସାତଟି ରାଜ୍ୟର ୫୯ଟି ଆସନ ପାଇଁ ଏଥିରେ ମତଦାନ ହୋଇଥିଲା । ୯୭୯ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଥିବା ଏହି ପର୍ଯ୍ୟାୟର ମତଦାନ ପ୍ରକ୍ରିୟା ସକାଳ ୭ଟାରୁ ଆରମ୍ଭ ହୋଇ ସନ୍ଧ୍ୟା ୫ଟା ଯାଏଁ ଚାଲିଥିଲା ।
ଉତ୍ତର ପ୍ରଦେଶରେ ୧୪ଟି ଆସନ, ହରିୟାଣାରେ ୧୦ଟି ଆସନ, ପଶ୍ଚିମବଙ୍ଗ, ବିହାର ଏବଂ ମଧ୍ୟପ୍ରଦେଶରେ ପ୍ରତ୍ୟେକ ୮ଟି କରି ଆସନ ଏବଂ ଝାଡ଼ଖଣ୍ଡରେ ୪ଟି ଆସନ ପାଇଁ ମତଦାନ ହୋଇଥିଲା ବୋଲି ଜଣା ପଡ଼ିଛି ।