‘ମୈଦାନ’କୁ ବଣ୍ଡ ଭୟ!
ଅଜୟ ଦେବଗନ୍ଙ୍କ ଅଭିନୀତ ଚଳଚ୍ଚିତ୍ର ‘ମୈଦାନ’ ଚଳିତ ବର୍ଷ ମୁକ୍ତିଲାଭ କରିବ ନାହିଁ। ଦଶହରାରେ ଏହାକୁ ମୁକ୍ତିଲାଭ କରାଇବାକୁ ଯୋଜନା ହୋଇଥିଲା। ଏହାସହ ତେଲୁଗୁ ଷ୍ଟାର୍ ଜୁନିଅର ଏନ୍ଟିଆର୍ ଓ ରାମ ଚରଣଙ୍କ ‘ଆର୍ଆର୍ଆର୍’ ମଧ୍ୟ ସମାନ ଦିନ ମୁକ୍ତିଲାଭ କରିଥା’ନ୍ତା। ଯାହାକୁ ନେଇ ବ୍ୟାବସାୟିକ କ୍ଷେତ୍ରରେ ‘ମୈଦାନ’ ପାଇଁ ବଡ଼ ପ୍ରତିବନ୍ଧକ ସୃଷ୍ଟି ହେବାର ଆଶଙ୍କା କରାଯାଉଥିଲା। ହେଲେ ହଲିଉଡ୍ ଷ୍ଟାର୍ ଡାନିଏଲ୍ କ୍ରେଗ୍ଙ୍କ ଲୋକାଦୃତ ଚଳଚ୍ଚିତ୍ର ଜେମ୍ସ ବଣ୍ଡର ଶେଷ ଅଧ୍ୟାୟ ‘ନୋ ଟାଇମ୍ ଟୁ ଡାଏ’ ମଧ୍ୟ ଦଶହରାରେ ମୁକ୍ତିଲାଭ କରିବ ବୋଲି ସୂଚନା ମିଳିବା ପରେ ବର୍ତ୍ତମାନ ‘ମୈଦାନ’ ଏହି ଯୁଦ୍ଧରୁ ଓହରିଯିବ ବୋଲି ସୂଚନା ମିଳୁଛି।
Sambad is now on WhatsApp
Join and get latest news updates delivered to you via WhatsApp
ତେବେ ଗତବର୍ଷ ‘ନୋ ଟାଇମ୍ ଟୁ ଡାଏ’ ସୁଟିଂ ଶେଷ ହୋଇଥିଲେ ହେଁ କରୋନା ପାଇଁ ଏହା ପରଦାକୁ ଆସି ପାରିନଥିଲା। ବର୍ତ୍ତମାନ ଡାନିଏଲ୍ଙ୍କ ଚଳଚ୍ଚିତ୍ର ଦଶହରାରେ ଆସୁଥିବାରୁ ‘ମୈଦାନ’ ଚଳଚ୍ଚିତ୍ରର ନିର୍ମାତା କୌଣସି ରିସ୍କ ନେବାକୁ ଚାହୁନଥିବା ଚର୍ଚ୍ଚା ହେଉଛି। ୧୯୫୨-୬୨ ଭାରତୀୟ ଫୁଟବଲ୍ର ସ୍ବର୍ଣ୍ଣିମ ଦଶନ୍ଧି ଆଧାରରେ ଏହି ଚଳଚ୍ଚିତ୍ର ତିଆରି କରାଯାଇଛି।