ଏହି ୪ ଦିନ ମାତ୍ର ୧୦୦ ଟଙ୍କାରେ ଯେକୌଣସି ସିନେମା ହଲରେ ଦେଖିପାରିବେ ‘ବ୍ରହ୍ମାସ୍ତ୍ର’
ମୁମ୍ବାଇ: ‘ବ୍ରହ୍ମାସ୍ତ୍ର’ ରିଲିଜ୍ ହେବାକୁ ପ୍ରାୟ ତିନି ସପ୍ତାହ ବିତିଗଲାଣି ଏବଂ ଚଳଚ୍ଚିତ୍ରଟି ଭଲ ରୋଜଗାର କରୁଛି। ଜାତୀୟ ସିନେମା ଦିବସ ଅବସରରେ ପ୍ରେକ୍ଷାଳୟରେ ମାତ୍ର ୭୫ ଟଙ୍କା ଟିକେଟ୍ ମିଳିବା ପରେ ଶୁକ୍ରବାର ଦିନ ‘ବ୍ରହ୍ମାସ୍ତ୍ର’ର କଲେକ୍ସନ ଢେର ବଢିଯାଇଥିଲା | ଫିଲ୍ମଟି ସେହି ଦିନ ୧୦ କୋଟିରୁ ଅଧିକ ରୋଜଗାର କରିଥିଲା। କିନ୍ତୁ ପରଦିନ କଲେକ୍ସନରେ ହ୍ରାସ ଘଟିଥିଲା | ତେବେ ଟିକେଟ୍ ମୂଲ୍ୟ ହ୍ରାସ ଅନ୍ୟ ଚଳଚ୍ଚିତ୍ରକୁ ମଧ୍ୟ ଲାଭ ଦେଇଥିଲା |
Sambad is now on WhatsApp
Join and get latest news updates delivered to you via WhatsApp
ଯାହା ପରେ ଚର୍ଚ୍ଚା ଜୋର ଧରିଥିଲା ଯେ ବିତରକ ଏବଂ ମଲ୍ଟିପ୍ଲେକ୍ସ ଆସୋସିଏସନ୍ ଟିକେଟ୍ ମୂଲ୍ୟ ହ୍ରାସ କରିବାକୁ ଚିନ୍ତା କରିବା ଉଚିତ କି? ଏହି ସମସ୍ତ ଆଲୋଚନା ମଧ୍ୟରେ ‘ବ୍ରହ୍ମାସ୍ତ୍ର’ର ନିର୍ମାତା ଏକ ବଡ଼ ଘୋଷଣା କରିଛନ୍ତି ଏବଂ ଟିକେଟ୍ ମୂଲ୍ୟ ହ୍ରାସ କରିବାକୁ ନିଷ୍ପତ୍ତି ନେଇଛନ୍ତି।
View this post on Instagram
ଆଜି ଏହି ଫିଲ୍ମର ନିର୍ଦ୍ଦେଶକ ଆୟାନ୍ ମୁଖାର୍ଜୀ ଘୋଷଣା କରିଛନ୍ତି ଯେ ସେପ୍ଟେମ୍ବର ୨୬ରୁ ଆରମ୍ଭ ହେଉଥିବା ନବରାତ୍ରି ଅବସରରେ ଟିକେଟ୍ ମୂଲ୍ୟ ୧୦୦ ଟଙ୍କା ହେବ। ଏହି ଅଫର କେବଳ ସେପ୍ଟେମ୍ବର ୨୯ ପର୍ଯ୍ୟନ୍ତ ପ୍ରଯୁଜ୍ୟ ହେବ | ଭିଡିଓ ସହିତ କ୍ୟାପସନରେ ଆୟାନ୍ ମୁଖାର୍ଜୀ ଲେଖିଛନ୍ତି, ‘ଜାତୀୟ ସିନେମା ଦିବସ ଆମକୁ ସଠିକ୍ ଟିକେଟ୍ ମୂଲ୍ୟ ବିଷୟରେ ଶିକ୍ଷା ଦେଇଛି ଯାହା ଦ୍ୱାରା ଅଧିକ ଦର୍ଶକ ଫିଲ୍ମକୁ ବଡ଼ ପରଦାରେ ଉପଭୋଗ କରିପାରିବେ। ଆମେ ଆଶା କରୁଛୁ ଯେ ଏହି ସପ୍ତାହରେ ମଧ୍ୟ ଦର୍ଶକମାନେ ବ୍ରହ୍ମାସ୍ତ୍ର ଦେଖିବେ’ |