ବଲିଉଡ୍ ଗାୟକ ମିକାଙ୍କ ଘରୁ ଚୋରି : ଲକ୍ଷ ଲକ୍ଷ ଟଙ୍କାର ଗହଣା ଓ ମୂଲ୍ୟବାନ ସାମଗ୍ରୀ କୌଣସି ପାଖ ଲୋକ ନେଇଥିବା ସନ୍ଦେହ
ମୁମ୍ବାଇ : ବଲିଉଡ୍ର ଲୋକପ୍ରିୟ ଗୀତିକାର ମିକା ସିଂହଙ୍କ ଘରୁ ଚୋରି ହୋଇଥିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି । ମିକାଙ୍କ ଘରୁ ୩ ଲକ୍ଷ ଟଙ୍କାର ଜିନିଷ ଚୋରି ହୋଇଥିବା ବେଳେ ସେଥିରେ ୨ଲକ୍ଷଟଙ୍କାର ଗହଣା ଥିବା ଜଣାପଡ଼ିଛି । ଏ ନେଇ ମିକା ମୁମ୍ବାଇର ଓଶିଓ୍ଵାରା ପୁଲିସ ଷ୍ଟେସନରେ ଅଭିଯୋଗ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏହି ଘଟଣାଟି ସୋମବାର ସଂନ୍ଧ୍ୟା ୪ଟା ସମୟରେ ଘଟିଥିଲା । ଏହି ଘଟଣା ଘଟିବା ସମୟରେ ଘରେ କାମ କରୁଥିବା ଲୋକମାନେ ଉପସ୍ଥିତ ଥିବାରୁ ସେମାନଙ୍କୁ ପୁଲିସ ପଚରାଉଚରା କରିବା ଆରମ୍ଭ କରିଛି । ଅନ୍ୟ ପକ୍ଷରେ ଏ ନେଇ ମିକା ନିଜ ପ୍ରୋଜେକ୍ଟ ଏବଂ ଲଇଭ୍ ସୋ’ ଅର୍ଗାଇଜର ଅଙ୍କିତ୍ ବାସନ୍ଙ୍କ ଉପରେ ସନ୍ଦେହ କରୁଥିବା ଜଣାପଡ଼ିଛି । ଚୋରି ହେବା ପରଠାରୁ ଅଙ୍କିତ୍ ଫେରି ନ ଥିବାରୁ ସେ ହିଁ ଚୋରି କରିଥାଇ ପାରନ୍ତି ବୋଲି ମିକା ସିଂହ ସନ୍ଦେହ କରିଛନ୍ତି । ଅଙ୍କିତ୍ ମିକାଙ୍କ ସହ ୧୦ବର୍ଷ ହେବ କାମ କରି ଆସୁଥିବା ଜଣାପଡ଼ିଛି ।