ନ୍ୟୁଜିଲାଣ୍ଡ ଗୁଳିକାଣ୍ଡର ପ୍ରଭାବ : ସବୁ ସିନେମା ଘରୁ ହଟାଇ ଦିଆଗଲା ଫିଲ୍ମ ‘ହୋଟେଲ ମୁମ୍ବାଇ ’
ନୂଆଦିଲ୍ଲୀ : ଗତ ଶୁକ୍ରବାର ନ୍ୟୁଜିଲାଣ୍ଡର କ୍ରାଏଷ୍ଟଚର୍ଚରେ ଥିବା ଦୁଇଟି ମସ୍ଜିଦ୍ରେ ବନ୍ଧୁକଧାରୀ ଆତତାୟୀ ଆକ୍ରମଣ କରିଥିଲେ । ହଠାତ୍ ଏହି ଆକ୍ରମଣ ହୋଇଥିବା ବେଳେ ପ୍ରାୟ ୪୯ଜଣ ମୃତ୍ୟୁବରଣ କରିବା ସହ ୨୦ଜଣ ଆହତ ହୋଇଥିବାର ସୂଚନା ମିଳିଥିଲା । ଏବେ ଏହି ଘଟଣାର ପ୍ରଭାବ ନ୍ୟୁଜିଲାଣ୍ଡର ସିନେମାଘରମାନଙ୍କରେ ପଡ଼ିଥିବା ଦେଖା ଯାଇଛି । ଏହି ଆକ୍ରମଣ ପରେ ପରେ ସବୁ ସିନେମା ଘରୁ ଫିଲ୍ମ ‘ହୋଟେଲ ମୁମ୍ବାଇ’କୁ ହଟାଇ ଦିଆଯାଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
୨୦୦୮ରେ ମୁମ୍ବାଇର ତାଜ୍ ହୋଟେଲ ଉପରେ ଆତଙ୍କବାଦୀମାନେ କରିଥିବା ଆକ୍ରମଣକୁ ନେଇ ଫିଲ୍ମଟି ନିର୍ମାଣ କରାଯାଇଥିବା ବେଳେ ଫିଲ୍ମରେ ଦେବ ପଟେଲଙ୍କ ସମେତ ଓସ୍କାର ନମିନେଟେଡ୍ ଅଭିନେତା ଆରମୀ ହୈମର ଏବଂ ଅନୁପମ ଖେର୍ ଅଭିନୟ କରିଛନ୍ତି । ନ୍ୟୁଜିଲାଣ୍ଡର ଆଇକନ୍ ଫିଲ୍ମ ଡିଷ୍ଟ୍ରିବ୍ୟୁସନ ତରଫରୁ ଏକ ବୟାନ ଜାରି କରାଯାଇ, ନ୍ୟୁଜିଲାଣ୍ଡର ସବୁ ସିନେମା ଘରୁ ଫିଲ୍ମ ‘ହୋଟେଲ ମୁମ୍ବାଇ’କୁ ହଟାଇ ଦିଆଯାଇଥିବା ସୂଚନା ଦିଆଯାଇଛି । ନ୍ୟୁଜିଲାଣ୍ଡର କ୍ରାଏଷ୍ଟଚର୍ଚରେ ଥିବା ଦୁଇ ମସ୍ଜିଦ୍ରେ ଗୁଳିକାଣ୍ଡ ହେବା ପରେ ଏଭଳି ନିଷ୍ପତ୍ତି ନିଆଯିବା ସହ ଫିଲ୍ମକୁ ନେଇ ହେଉଥିବା ସମସ୍ତ ବିଜ୍ଞାପନ ଏବଂ ପ୍ରଚାରକୁ ମଧ୍ୟ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି । ଫିଲ୍ମର ନିର୍ଦ୍ଦେଶନା ଆନ୍ଥନୀ ମାରସ ଦେଇଥିବା ଜଣା ପଡ଼ିଛି ।