ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟାକୁ ସହଜରେ ଗ୍ରହଣ କରିପାରିଲେନି କଟକର ନବମ ଶ୍ରେଣୀ ଛାତ୍ରୀ; ଆତ୍ମହତ୍ୟାର ରାସ୍ତା ବାଛିନେଲେ
କଟକ: ସାରା ଦେଶକୁ ଦୋହଲାଇଥିବା ବଲିଉଡ ସେନସେସନ୍ ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ଖବର ଯେତେବେଳେ ସୋସିଆଲ ମିଡିଆ ଏବଂ ଗଣମାଧ୍ୟମରେ ଆସିଥିଲା, ସେତେବେଳେ ସବୁଠାରୁ ଅଧିକ ମର୍ମାହତ ହୋଇଥିଲେ ସୁଶାନ୍ତଙ୍କ ପ୍ରଶଂସକ । ଆଉ ଏହି ଘଟଣାରୁ ୪ରୁ ୫ଦିନ ମଧ୍ୟରେ ସାରା ଦେଶରେ ସୁଶାନ୍ତଙ୍କ କିଛି ଫ୍ୟାନ ନିରାଶ ହୋଇ ଆତ୍ମହତ୍ୟାକୁ ବାଛି ନେଇଛନ୍ତି । ଓଡ଼ିଶାରୁ ମଧ୍ୟ ଆସିଛି ଦୁଃଖଦ ଖବର ।
Sambad is now on WhatsApp
Join and get latest news updates delivered to you via WhatsApp
ତେବେ କଟକ କଲେଜ ଛକରେ ରହୁଥିବା ଜଣେ ନବମ ଶ୍ରେୀଣୀର ଛାତ୍ରୀ ସୁଶାନ୍ତଙ୍କର ଆତ୍ମହତ୍ୟା ଘଟଣାକୁ ସହ୍ୟ କରିନପାରି ଆତ୍ମହତ୍ୟା କରିଥିବା ତାଙ୍କ ପରିବାର ଲୋକେ କହିଛନ୍ତି । ସୁଶାନ୍ତଙ୍କ ବହୁତ ବଡ ଫ୍ୟାନ ଥିଲେ ଏହି ନବମ ଶ୍ରଣୀର ଛାତ୍ରୀ । ଘରେ ଷ୍ଟଡିରୁମରେ ତାଙ୍କ ଫଟୋ ଲଗାଇଥିଲେ ଏବଂ ତାଙ୍କ ସିନେମା ବି ଦେଖୁଥିଲେ । ସୁଶାନ୍ତଙ୍କ ମୃତ୍ୟୁ ଖବର ପାଇବା ପରେ ପ୍ରାୟ ୪ ଦିନ ଧରି ସେ ନିରାଶ ରହିଥିଲେ ବୋଲି ପରିବାର ଲୋକେ ଏତଲାରେ ଦର୍ଶାଇଛନ୍ତି । ଗୁରୁବାର ଘରେ କେହି ନ ଥିବାର ସୁଯୋଗ ନେଇ ସେ ଆତ୍ମହତ୍ୟାକୁ ବାଛି ନେଇଥିଲେ ।
କେବଳ ଏହି ଜଣକ ଛାତ୍ରୀ ନୁହନ୍ତି, ଦେଶର ବିଭିନ୍ନ ସ୍ଥାନରେ ସୁଶାନ୍ତ ପାଇଁ ପ୍ରାୟ ୪ ଜଣ ଫ୍ୟାନ ଆତ୍ମହତ୍ୟା କରିବାର ଖବର ଆସିଛି । ବଲିଉଡ ତାରକା ସୁଶାନ୍ତଙ୍କ ଆତ୍ମହତ୍ୟା ଘଟଣାକୁ ସହଜରେ ଗ୍ରହଣ ନ କରିପାରୁଥିବା ତାଙ୍କ ପ୍ରଶଂସକମାନେ ନିଜ ଜୀବନ ହାରି ଦେଉଛନ୍ତି । ତେବେ ଜଣେ ରିଲ୍ ଷ୍ଟାରଙ୍କ ଆତ୍ମହତ୍ୟା ପରେ ଯେଉଁମାନେ ଦୁଃଖରେ ଭାଙ୍ଗି ପଡ଼ିଛନ୍ତି ସେମାନେ ଆତ୍ମହତ୍ୟା କରିବା କେତେଦୂର ଠିକ୍? ଆମର କେବଳ ଗୋଟିଏ ଅନୁରୋଧ ରହିବ ଯେ, ଥରେ ନିଜ ପରିବାର କଥା ଚିନ୍ତା କରି ଦେଖନ୍ତୁ ଆପଣଙ୍କ ଜୀବନ ଆପଣଙ୍କ ପରିବାର ପାଇଁ ମୂଲ୍ୟବାନ୍ ।