ଅକ୍ଷୟ ଓ ସଲମାନ ନୁହଁନ୍ତି, ଇଏ ହେଉଛନ୍ତି ବଲିଉଡର ସବୁଠାରୁ ମହଙ୍ଗା ଅଭିନେତା

ମୁମ୍ବାଇ: ଫୋର୍ବସ୍ ୨୦୨୪ ବର୍ଷର ସର୍ବାଧିକ ପାରିଶ୍ରମିକ ପାଉଥିବା ତାରକାଙ୍କ ତାଲିକା ପ୍ରସ୍ତୁତ କରିଛି | ଯେଉଁଥିରେ ଅନେକ ବଲିଉଡ ତାରକାଙ୍କ ନାମ ରହିଛି | ଆଇଏମଡ଼ିବିର ତଥ୍ୟକୁ ଆଧାର କରି ଫୋର୍ବସର ଏହି ତାଲିକାରେ କେବଳ ବଲିଉଡର ନୁହେଁ ଦକ୍ଷିଣ ଭାରତର ଅନେକ ଭେଟେରାନ ଅଭିନେତାଙ୍କ ନାମ ମଧ୍ୟ ରହିଛି। ତେବେ ଆପଣ ଜାଣିଛନ୍ତି କି କିଏ ଚଳିତ ବର୍ଷର ସବୁଠାରୁ ମହଙ୍ଗା ଅଭିନେତା ହୋଇପାରିଛନ୍ତି |
ଶାହାରୁଖ ଖାନ - ଏହି ତାଲିକାର ପ୍ରଥମ ନାମ ହେଉଛି ଶାହାରୁଖ ଖାନ, ଯାହାକୁ ବଲିଉଡର କିଙ୍ଗ କୁହାଯାଏ | ଯିଏ ୨୦୨୪ ବର୍ଷର ସବୁଠାରୁ ମହଙ୍ଗା ଅଭିନେତା ହୋଇପାରିଛନ୍ତି | ଅଭିନେତା ଏକ ଚଳଚ୍ଚିତ୍ର ପାଇଁ ୧୫୦ କୋଟିରୁ ୨୫୦ କୋଟି ପର୍ଯ୍ୟନ୍ତ ଫି ଆଦାୟ କରନ୍ତି |

ରଜନୀକାନ୍ତ - ବଲିଉଡ ଏବଂ ସାଉଥ ସୁପରଷ୍ଟାର ରଜନୀକାନ୍ତଙ୍କ ନାମ ତାଲିକାରେ ଦ୍ୱିତୀୟ ସ୍ଥାନରେ ରହିଛି। ଯିଏ ଏକ ଚଳଚ୍ଚିତ୍ର ପାଇଁ ୧୫୦ ରୁ ୨୧୦ କୋଟି ଟଙ୍କା ଚାର୍ଜ କରନ୍ତି | ଏହି ତାଲିକାର ତୃତୀୟ ନାମ ହେଉଛି ସାଉଥ ଅଭିନେତା ବିଜୟ ଥଲପତି । ଯିଏ ଏକ ଚଳଚ୍ଚିତ୍ର ପାଇଁ ୧୩୦ ରୁ ୨୦୦ କୋଟି ଟଙ୍କା ଫି ନିଅନ୍ତି | ତାଲିକାର ଚତୁର୍ଥରେ ସାଉଥ ସିନେମାର ଅଭିନେତା ପ୍ରଭାସ ଅଛନ୍ତି | ସେ ଏକ ଚଳଚ୍ଚିତ୍ର ପାଇଁ ୧୦୦ ରୁ ୨୦୦ କୋଟି ଟଙ୍କା ନିଅନ୍ତି | ସେହିପରି ଆମୀର ଖାନ(୧୦୦ ରୁ ୧୭୫ କୋଟି) ସଲମାନ ଖାନ(୧୦୦ ରୁ ୧୫୦ କୋଟି ଟଙ୍କା) ନିଅନ୍ତି | ଦକ୍ଷିଣର ସୁପରଷ୍ଟାର ଅଭିନେତା କମଲ ହାସନ ଏହି ତାଲିକାରେ ସାତ ନମ୍ବର ସ୍ଥାନରେ ଅଛନ୍ତି। ସେ ଏକ ଚଳଚ୍ଚିତ୍ର ପାଇଁ ୧୦୦ ରୁ ୧୫୦ କୋଟି ଟଙ୍କା ଚାର୍ଜ କରନ୍ତି | 'ପୁଷ୍ପା' ଚଳଚ୍ଚିତ୍ର ମାଧ୍ୟମରେ ଲୋକଙ୍କ ହୃଦୟ ଜିତିଥିବା ଅଭିନେତା ଅଲୁ ଅର୍ଜୁନ ଏହି ତାଲିକାରେ ଅଷ୍ଟମ ସ୍ଥାନରେ ଅଛନ୍ତି। ସେ ଫିଲ୍ମ ପିଛା ୧୦୦ ରୁ ୧୨୫ କୋଟି ଟଙ୍କା ନିଅନ୍ତି | ବଲିଉଡ ଖିଲାଡୀ ଅକ୍ଷୟ କୁମାର ଏହି ତାଲିକାରେ ନଅ ନମ୍ବରରେ ଅଛନ୍ତି | ଯିଏ ଏକ ଚଳଚ୍ଚିତ୍ର ପାଇଁ ୬୦ ରୁ ୧୪୫ କୋଟି ଟଙ୍କା ନେଉଛନ୍ତି |