ସଲମାନଙ୍କୁ ଅଣଦେଖା କରିବା ସହ ପ୍ରେମିକାଙ୍କ ହାତ ଧରି ଆଗକୁ ଚାଲିଗଲେ ରୋନାଲ୍ଡୋ

ମୁମ୍ବାଇ: ବଲିଉଡର 'ଗଡ୍ ଫାଦର' ଭାବେ ଜଣାଶୁଣା ସଲମାନ ଖାନଙ୍କ କ୍ରେଜ୍ ସାରା ବିଶ୍ୱରେ ରହିଛି। ସେ ଯେଉଁଆଡେ ଯାଆନ୍ତି, ପ୍ରଶଂସକମାନେ ତାଙ୍କ ଝଲକ ପାଇବାକୁ ଚାତକ ପରି ଅନାଇ ବସିଥାନ୍ତି। କିନ୍ତୁ ବୋଧହୁଏ ଫୁଟବଲ୍ କିମ୍ବଦନ୍ତୀ କ୍ରିଷ୍ଟିଆନୋ ରୋନାଲଡୋ ଭାଇଜାନଙ୍କୁ ଜାଣନ୍ତି ନାହିଁ। ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରୁ ଏହା ପ୍ରମାଣ ହୋଇଛି।

View this post on Instagram

A post shared by ABP UNCUT (@abpuncut)

ଭାଇରାଲ ଭିଡିଓରେ ଆପଣ ଦେଖିପାରିବେ ଯେ ରୋନାଲଡୋ କିପରି ସଲମାନ ଖାନଙ୍କୁ ଅଣଦେଖା କରି ଆଗକୁ ବଢ଼ୁଛନ୍ତି। ସୂଚନା ମୁତାବକ, ଟାଇସନ୍ ଫ୍ୟୁରି ଏବଂ ଫ୍ରାନ୍ସିସ୍ ନଗନୋଙ୍କ ମଧ୍ୟରେ ଏମଏମଏ ମ୍ୟାଚ୍ ଦେଖିବା ପାଇଁ ଉଭୟ ତାରକା ସାଉଦି ଆରବ ଯାଇଥିଲେ। ଭିଡିଓରେ ଦେଖାଯାଇଛି ଯେ, ପ୍ରେମିକାଙ୍କ ହାତ ଧରି ରୋନାଲଡୋ ମଞ୍ଚ ପାଖକୁ ଯାଉଥିବା ବେଳେ କଡ଼ରେ ଛିଡ଼ା ହୋଇଛନ୍ତି ସଲମାନ ଖାନ୍। ସଲମାନଙ୍କ ସହ ହାତ ମିଳାଇବା ପରିବର୍ତ୍ତେ ରୋନାଲଡୋ ତାଙ୍କୁ ଅଣଦେଖା କରି ଆଗକୁ ଚାଲିଯାଉଛନ୍ତି। ଏହି ଭିଡିଓ ଭାଇରାଲ ହେବା ପରେ ସଲମାନଙ୍କ ଷ୍ଟାରଡମଠାରୁ ରୋନାଲଡୋଙ୍କ ଷ୍ଟାରଡମ ଢ଼େର ଅଧିକ ବୋଲି ଲୋକେ କହିଥିବା ବେଳେ କିଛି ଲୋକେ ସଲମାନଙ୍କୁ ସମର୍ଥନ କରିଛନ୍ତି।

ଜଣେ ବ୍ୟବହାରକାରୀ ଲେଖିଛନ୍ତି, ଲାଗୁଛି ସଲମାନ ଭାଇ ବିବେକ ଓବରଏଙ୍କ ପରେ ଏବେ ରୋନାଲଡୋଙ୍କ କ୍ୟାରିୟର ଶେଷ କରିବେ।