‘ପି ଥ୍ରି’ରେ ଦୀପକ

ଓଲିଉଡ୍‌ର ଲୋକପ୍ରିୟ ନାୟକ ଦୀପକଙ୍କୁ ଦର୍ଶକ ଏକ ନୂଆ ସିନେମାରେ ଦେଖିବାକୁ ପାଇବେ। ଏହାର ଟାଇଟଲ୍ ହେଲା ‘ପି ଥ୍ରି- ପୁଲିସ୍ ପବ୍ଲିକ୍ ପଲିଟିସିଆନ୍’। ଏଥିରେ ଦୀପକଙ୍କ ବିପକ୍ଷରେ ଦିବ୍ୟାସ୍ନାତାଙ୍କୁ ଦେଖିବାକୁ ମିଳିବ। ଦୀପକ-ଦିବ୍ୟାସ୍ନାତାଙ୍କ ଯୋଡ଼ିକୁ ପ୍ରଥମ ଥର ଲାଗି ଭେଟିବେ ଦର୍ଶକ। ଆଗରୁ  ଦିବ୍ୟାସ୍ନାତା ‘ତିତିଲି’ ସିନେମାରେ ତୁଷାରଙ୍କ ବିପକ୍ଷରେ ନାୟିକା ଭାବେ ନଜର ଆସିଛନ୍ତି।

ଆଞ୍ଜନେୟ ମିଡିଆ ବ୍ୟାନରରେ ପ୍ରସ୍ତୁତ ‘ପି ଥ୍ରି- ପୁଲିସ୍ ପବ୍ଲିକ୍ ପଲିଟିସିଆନ୍’ର ପ୍ରଯୋଜକ ହେଲେ ପ୍ରଭାତ କୁମାର ପ୍ରଧାନ ଓ ଶିଶିର ଚନ୍ଦ୍ର ଦାସ। ଏହାର ନିର୍ଦ୍ଦେଶନା ଦାୟିତ୍ବରେ ଅଛନ୍ତି ଏସ୍ ଦିଲୀପ ପଣ୍ଡା। ଏହାଛଡ଼ା ଏଥିରେ ଜୟା ସ୍ବାମୀ, କେକେ, ବବି ମିଶ୍ର, ଡିସ୍କୋ ରେଡୀ, ବିଶ୍ବଜିତ, ସଂଜୟ ଭଟ୍ଟ, ଭୂପତି ତ୍ରିପାଠୀ ଓ ଚିନ୍ତାମଣିଙ୍କ ଭଳି କଳାକାରଙ୍କୁ ବି ଦେଖିବାକୁ ମିଳିବ। ଆକସନ୍ ପ୍ୟାକ୍‌ଡ୍‌ ପଲଟିକାଲ୍ ଥ୍ରିଲର୍ ‘ପି ଥ୍ରି’ର ସଙ୍ଗୀତ ନିର୍ଦ୍ଦେଶକ ବୈଦ୍ୟନାଥ ଦାଶ। ଅରୁଣ ମନ୍ତ୍ରୀ, ଡକ୍ଟର ନିର୍ମଳ ନାୟକ ଓ ସଂଜୟ ଭଟ୍ଟ ଏଥିରେ ଗୀତ ରଚନା କରିଛନ୍ତି।