୫ ଘଣ୍ଟାରେ ୩ ଥର କାନ୍ଦିଥିଲେ ଦୀପିକା
୫ ଘଣ୍ଟାରେ ୩ଥର କାନ୍ଦିଲେ ଦୀପିକା। ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନ୍ସିବି) ଅଧିକାରୀଙ୍କ ପ୍ରଶ୍ନର ଉତ୍ତର ଦେବା ବେଳେ ଦୀପିକାଙ୍କ ଆଖି ଛଳଛଳ ହୋଇଯାଇଥିଲା। କିନ୍ତୁ ଏନ୍ସିବିର ଅଧିକାରୀମାନେ ଏଥିରେ ନରମ ନ ପଡ଼ି ତାଙ୍କୁ ତାଗିଦ୍ କରିଥିଲେ। କହିଥିଲେ, ଏପରି ଇମୋସନାଲ୍ କାର୍ଡ ନ ଖେଳି ଯାହା ପଚରାଉଯାଉଛି, ତା’ର ସିଧାସିଧା ଉତ୍ତର ଦିଅ। ‘ବଲିଉଡ୍ରେ ଡ୍ରଗ୍ସ’କୁ ନେଇ ଏନ୍ସିବି ଜୋରଦାର ତଦନ୍ତ କରୁଥିବା େବଳେ ଏବେ ଦୀପିକାଙ୍କ ସମେତ ୪ ଅଭିନେତ୍ରୀଙ୍କ ଭାଗ୍ୟ ଖରାପ ପଡ଼ି ଯାଇଛି। ଅନ୍ୟ ୩ ଅଭିନେତ୍ରୀ ହେଲେ ସାରା ଅଲ୍ଲୀ ଖାନ୍, ଶ୍ରଦ୍ଧା କପୁର୍ ଓ ରକୁଲ ପ୍ରୀତ। ଡ୍ରଗ୍ସ କାରବାରରେ ଏମାନଙ୍କ ହାତ ଥିବା ଘଟଣା ପଦାକୁ ଆସିବା ପରେ ଏନ୍ସିବି ଏମାନଙ୍କୁ ଗୁଡ଼େଇ ତୁଡ଼େଇ ଜେରା କରୁଛି। ତେବେ ଦୀପିକା, ସାରା ଓ ଶ୍ରଦ୍ଧାଙ୍କ ପାଇଁ ଶନିବାର ଯେମିତି ଶନିଦଶା ପଡ଼ି ଯାଇଥିଲା। ଏନ୍ସିବିର ପ୍ରଶ୍ନବାଣରେ ଦୀପିକା, ସାରା ଓ ଶ୍ରଦ୍ଧା ଅଣନିଶ୍ବାସୀ ହୋଇଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ଏନ୍ସିବି ଦୀପିକାଙ୍କୁ ଯେତେବେଳେ ପଚରାଉଚରା କରୁଥିଲା, ସେ ଭାଙ୍ଗି ପଡ଼ିଥିଲେ। ଏହାପରେ ସେ କାନ୍ଦିବାକୁ ଲାଗିଥିଲେ। ଏହା ଦେଖି ଏନ୍ସିବିର ଅଧିକାରୀ ତାଙ୍କୁ ଇମୋସନାଲ୍ କାର୍ଡ ନ ଖେଳିବାକୁ ତାଗିଦ୍ କରିଥିଲେ। ଏପରିକି ଏନ୍ସିବିର ଜଣେ ଅଧିକାରୀ ହାତ ଯୋଡ଼ି ଦୀପିକାଙ୍କୁ କାନ୍ଦିବା ବଦଳରେ ସତ କହିବାକୁ କହିଥିଲେ।