ଦୀପ୍-ବୀର ନିଜ ଅତିଥିମାନଙ୍କୁ ଦେଲେ ସ୍ୱତନ୍ତ୍ର ରିଟର୍ଣ୍ଣ ଗିଫ୍ଟ, ଫଟୋ ଭାଇରାଲ ହେଉଛି
ମୁମ୍ବାଇ : ବଲିଉଡ୍ ଷ୍ଟାର୍ ଦୀପ୍-ବୀରଙ୍କ ବିବାହ ଚଳିତ ବର୍ଷର ସବୁଠାରୁ ଚର୍ଚ୍ଚିତ ବିବାହ ମଧ୍ୟରୁ ଗୋଟିଏ ଥିଲା । ବିବାହ ସରିଥିଲେ ମଧ୍ୟ ଏବେ ବି ଦୁହିଁଙ୍କ ବିବାହ ଖବରକୁ ନେଇ ସୋସିଆଲ ମିଡ଼ିଆରେ ଚର୍ଚ୍ଚା ଜାରି ରହିଛି । ଇଟାଲୀର ଲେକ୍ କୋମୋରେ ବିବାହ କରିବା ପରେ ଭାରତ ଫେରି ବେଙ୍ଗାଲୁରୁରେ ବିବାହର ଭୋଜି ରଖିଥିଲେ ଦୀପ୍-ବୀର । ଯେଉଁଠି ତାଙ୍କ ସଂପର୍କୀୟମାନେ ତାଙ୍କୁ ଉପହାର ଦେବା ସହ ଆର୍ଶୀବାଦ ମଧ୍ୟ ଦେଇଥିଲେ । ତେବେ ବିବାହ ଭୋଜିରେ ଦୀପ୍-ବୀର ନିଜ ଅତିଥିମାନଙ୍କୁ ରିଟର୍ଣ୍ଣ ଗିଫ୍ଟ ଦେଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବିବାହରେ ସାମିଲ ହୋଇଥିବା ସମସ୍ତ ଅତିଥିଙ୍କୁ ରିଟର୍ଣ୍ଣ ଗିଫ୍ଟ ଆକାରରେ ସିଲ୍ଭର ପ୍ଲେଟେଡ଼୍ ଫଟୋଫ୍ରେମ୍ ଦିଆଯାଇଥିବା ଜଣାପଡ଼ିଛି । ଇନ୍ଷ୍ଟାଗ୍ରାମ୍ରେ ଦିଆଯାଇଥିବା ଫଟୋଫ୍ରେମ୍ରେ ଦୀପ୍-ବୀରଙ୍କ ଫଟୋ ଲଗାଯାଇ ସେୟାର କରାଯାଇଥିବା ଦେଖାଯାଇଛି । ବେଙ୍ଗାଲୁରୁରେ ନଭେମ୍ବର ୨୧ରେ ବିବାହ ଭୋଜି ଦେଇ ସାରିଥିବା ବେଳେ ନଭେମ୍ବର ୨୮ରେ ମୁମ୍ବାଇରେ ସେ ଇଣ୍ଡଷ୍ଟ୍ରିର ବନ୍ଧୁମାନଙ୍କୁ ବିବାହ ଭୋଜି ଦେବେ ।