ଦୀପ-ବୀରଙ୍କ ବିବାହ ଉତ୍ସବରେ ପହଞ୍ଚିଥିବା ଏହି ବଲିଉଡ୍ କଣ୍ଠଶିଳ୍ପୀଙ୍କୁ ନିଜ ଇନ୍ଷ୍ଟା ଆକଉଣ୍ଟରୁ ହଟାଇବାକୁ ପଡ଼ିଲା ପୋଷ୍ଟ, ଜାଣନ୍ତୁ ସେଥିରେ ଥିଲା କ’ଣ ?
ମୁମ୍ବାଇ: ନଭେମ୍ବର ୧୪ରେ ଆନୁଷ୍ଠାନିକ ଭାବରେ କୋଙ୍କଣୀ ରୀତିରେ ଦୀପ୍-ବୀରଙ୍କ ବିବାହ ବିବାହ ସମ୍ପର୍ଣ୍ଣ ହୋଇଥିବା ବେଳେ ନଭେମ୍ବର ୧୫ରେ ସିନ୍ଧି ରୀତିରେ ବିବାହ କରିବେ ବୋଲି ଜଣାପଡ଼ିଛି । ଦୁହିଁଙ୍କ ବିବାହକୁ ଅତ୍ୟନ୍ତ ବ୍ୟକ୍ତିଗତ ବ୍ୟାପାର କରି ରଖିବା ପାଇଁ ଅନେକ ଉଦ୍ୟମ କରାଯାଉଥିବା ବେଳେ ବିବାହରେ ଯୋଗ ଦେଇଥିବା ଅତିଥିଙ୍କ ଫୋନରେ ଷ୍ଟିକର ଲଗାଯାଇ ଭିତରକୁ ଛଡ଼ା ଯାଉଥିବା ଦେଖାଯାଇଥିଲା । ତେବେ ଏତେ ସବୁ କଡ଼ା ବନ୍ଦୋବସ୍ତ ମଧ୍ୟରେ ବିବାହ ଉତ୍ସବରେ ଯୋଗ ଦେଇଥିବା ବଲିଉଡ୍ କଣ୍ଠଶିଳ୍ପୀ ହର୍ଷଦୀପ୍ କୌର ନିଜର ଏକ ଫଟୋ ଇନ୍ଷ୍ଟା ପୋଷ୍ଟ କରି ଦେଇଥିଲେ । ଯାହାକୁ ସେ ପରେ ହଟାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଧଳା ରଙ୍ଗର ଲେହେଙ୍ଗା ପିନ୍ଧିବା ସହ ମୁଣ୍ଡରେ ପଗଡ଼ି ବାନ୍ଧି ଥିବାର ଏକ ଫଟୋ ହର୍ଷଦୀପ ନିଜ ଇନ୍ଷ୍ଟାରେ ପୋଷ୍ଟ କରିଥିଲେ । ଏହାର କିଛି ସମୟରେ ପରେ ଏ ବିଷୟରେ ଜାଣି ପାରି ରଣବୀର ଏବଂ ଦୀପିକା ଆସି ହର୍ଷଦୀପଙ୍କୁ ଫଟୋ ହଟାଇବା ପାଇଁ ଅନୁରୋଧ କରିଥିଲେ । ହର୍ଷଦୀପ୍ ସଙ୍ଗେ ସଙ୍ଗେ ଫଟୋ ହଟାଇ ଦେଇଥିଲେ । କିନ୍ତୁ ସେତେବେଳକୁ ଫଟୋଟି ଭାଇରାଲ ହୋଇ ସାରିଥିଲା ।