ମାତ୍ର ୬ ମାସ ଭିତରେ ମୁଁ ଜାଣି ସାରିଥିଲି ଦୀପିକା ହିଁ ହେବେ ମୋ ପିଲାର ମା’ହେବେ: ରଣବୀର ସିଂହ
ମୁମ୍ବାଇ : ବଲିଉଡ୍ର ସବୁଠାରୁ ଚର୍ଚ୍ଚିତ ପ୍ରେମୀଯୁଗଳ ଏବେ ସବୁଠାରୁ ଚର୍ଚ୍ଚିତ ଦମ୍ପତି ବନି ସାରିଛନ୍ତି । ନଭେମ୍ବର ୧୪-୧୫ରେ ବିବାହ କରି ସାରିବା ପରେ ସେ ବେଙ୍ଗାଲୁରୁ ଏବଂ ମୁମ୍ବାଇରେ ଦୁଇଟି ବିବାହ ଭୋଜି ରଖାଯାଇଥିଲା । ତେବେ ବିବାହ ପରେ ତୁରନ୍ତ ଦୁହେଁ ହନିମୁନ୍ରେ ଯିବେ ନାହିଁ, କାରଣ ରଣବୀର ନିଜ ଫିଲ୍ମ ‘ସିମ୍ବା’କୁ ନେଇ ବ୍ୟସ୍ତ ରହିବେ । ତେବେ ନିଜ ଫିଲ୍ମକୁ ନେଇ ରଣବୀର ସାକ୍ଷାତକାର ଦେଇଥିବା ବେଳେ ତାଙ୍କୁ ଦୀପିକାଙ୍କୁ ନେଇ ଏକ ପ୍ରଶ୍ନ କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଆପଣଙ୍କୁ କେବେ ଲାଗିଲା କି ଆପଣ ଏବଂ ଦୀପିକା ଭବିଷ୍ୟତରେ ବିବାହ କରିବେ ବୋଲି ପଚରାଯିବା ପରେ ସେ କହିଥିଲେ,”ପ୍ରେମ ସଂପର୍କକୁ ଆସିବାର ୬ମାସ ପରେ ମୁଁ ଜାଣି ସାରିଥିଲି ଦୀପିକା ହିଁ ଭବିଷ୍ୟତରେ ମୋ ପତ୍ନୀ ହେବେ । ଏହା ସହ ସେ ହିଁ ମୋ ପିଲାର ମା’ ହେବେ ବୋଲି ମୁଁ ଜାଣି ସାରିଥିଲି । ସେ ଏତେ ଭଲ ଏବଂ ମୋର ଏତେ ଯତ୍ନ ନିଅନ୍ତି, ଯାହାକୁ ମୁଁ ଶବ୍ଦରେ ପ୍ରକାଶ କରି ପାରିବି ନାହିଁ । ସେ କେବଳ ବାହାରୁ ନୁହେଁ ତାଙ୍କ ମନ ମଧ୍ୟ ଅତି ସୁନ୍ଦର । ଯାହା ପାଇଁ ମୁଁ ୬ମାସ ମଧ୍ୟରେ ହିଁ ଅନୁଭବ କରି ନେଇଥିଲି କି ଦୀପିକା ହିଁ ମୋର ଜୀବନସାଥୀ ହେବେ । ମୁଁ ଭଗବାନକୁ ଧନ୍ୟବାଦ ଦେବି କି ସେ ମୋତେ ଦୀପିକାଙ୍କ ଭଳି ହୀରା ଦେଇଛନ୍ତି।”