ନୂଆଦିଲ୍ଲୀ: ଅଭିନେତା ଧର୍ମେନ୍ଦ୍ର  ନିଜର ‘ଗରମ ଧରମ ଢ଼ାବା’କୁ ଅସୁବିଧାରେ ପଡ଼ିଯାଇଛନ୍ତି। ଦିଲ୍ଲୀର ପଟିୟାଲା ହାଉସ କୋର୍ଟ ନିକଟ‌ରେ ‘ଗରମ ଧରମ ଢ଼ାବା’ ସହିତ ଜଡ଼ିତ ଠକେଇ ମାମଲାରେ ଧର୍ମେନ୍ଦ୍ରଙ୍କ ସମେତ ଅନ୍ୟ ଦୁଇଜଣଙ୍କୁ ସମନ ଜାରି କରିଛନ୍ତି । 

Advertisment

ଜୁଡିସିଆଲ ମାଜିଷ୍ଟ୍ରେଟ ଯଶଦୀପ ଚହଲ ଏହି ସମନ ଜାରି କରିଛନ୍ତି । ଦିଲ୍ଲୀର ବ୍ୟବସାୟୀ ସୁଶୀଲ କୁମାର କୋର୍ଟରେ ଧ‌ର୍ମେନ୍ଦ୍ରଙ୍କ ବିରୋଧ‌ରେ ଅଭିଯୋଗ କରି କହିଥିଲେ, ‘ଫ୍ରାଞ୍ଚାଇଜରେ ନିବେଶ କରିବାକୁ ମୋତେ ପ୍ରଲୋଭିତ କରାଯାଇଥିଲା। ନିବେଶ କରିବା ପରେ ‌ମୋତେ ଠକି ଦିଆଯାଇଛି । 

୨୦୨୫ ଫେବ୍ରୁଆରି ୨୦ ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି ପାଇଁ ତାଲିକାଭୁକ୍ତ କରାଯାଇଛି । ଡି‌ସେମ୍ବର ୫ ତାରିଖରେ କୋର୍ଟ ଜାରି କରିଥିବା ସମନରେ ଜଜ କହିଛନ୍ତି, ‘ରେକର୍ଡରେ ଥିବା ପ୍ରମାଣ ଦର୍ଶାଉଛି ଯେ ଅଭିଯୁକ୍ତମାନେ ଅଭିଯୋଗକାରୀଙ୍କୁ ସେମାନଙ୍କର ସାଧାରଣ ଉଦ୍ଦେଶ୍ୟକୁ ଆଗକୁ ବଢ଼ାଇବା ପାଇଁ ପ୍ରେରିତ କରିଛନ୍ତି ।

ପ୍ରମାଣ ଆଧାରରେ ଧର୍ମେନ୍ଦ୍ରଙ୍କ ସମେତ ଅନ୍ୟ ଦୁଇଜଣଙ୍କ ବିରୋଧରେ ଧାରା ୪୨୦, ୧୨୦ବି ସହିତ ଧାକରା ୩୪ ଆଇପିସି ଆଧାରରେ ମାମଲା ରୁଜୁ ହୋଇଛି।