ଏହି ସବୁ ସୁପରହିଟ ଫିଲ୍ମ ଅଫରକୁ ମନା କରିଦେଇଥିଲେ ଦୀପିକା

ମୁମ୍ବାଇ: ୭୫ତମ କାନ୍ସ ଫିଲ୍ମ ଫେଷ୍ଟିଭାଲରେ ଭାରତୀୟଙ୍କ ଜଲୱା ଦେଖିବାକୁ ମିଳିଛି | ବଲିଉଡର ସୁନ୍ଦରୀ ତଥା ଟ୍ୟାଲେଣ୍ଟେଡ ଅଭିନେତ୍ରୀ ଦୀପିକା ପାଦୁକୋନ୍ କାନ୍ସ ଜୁରି ପ୍ୟାନେଲରେ ସାମିଲ ହୋଇଥିବାବେଳେ ଏବେ ସୋସିଆଲ ମିଡିଆରେ ତାଙ୍କର ଫଟୋ ଏବଂ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି। ଦୀପିକା ଅନେକ ଚଳଚ୍ଚିତ୍ରରେ ଅଭିନୟ କରି ସମସ୍ତଙ୍କ ହୃଦୟ ଜିତିଛନ୍ତି | ଅନ୍ୟପକ୍ଷରେ ସେ ଅନେକ ହିଟ୍ ଫିଲ୍ମର ଅଫରକୁ ମଧ୍ୟ ମନା କରିଛନ୍ତି | ତେବେ ଆଜି ଆମେ ସେହି ସବୁ ଫିଲ୍ମ ବାବଦରେ କହିବୁ, ଯାହାକୁ ଦୀପିକା ରିଜେକ୍ଟ କରିଦେଇଥିଲେ |

ଗାଙ୍ଗୁବାଇ କାଠିଆୱାଡି: ସଞ୍ଜୟ ଲୀଲା ଭନସାଲିଙ୍କ ନିର୍ଦ୍ଦେଶିତ ଚଳଚ୍ଚିତ୍ର ଗାଙ୍ଗୁବାଇ କାଠିଆୱାଡି ୨୦୨୨ ବର୍ଷର ସଫଳ ବଲିଉଡ ଚଳଚ୍ଚିତ୍ର ମଧ୍ୟରୁ ଅନ୍ୟତମ | ଏହି ଚଳଚ୍ଚିତ୍ରରେ ଆଲିଆ ଭଟ୍ଟ ନିଜ ଅଭିନୟ ଦ୍ୱାରା ସମସ୍ତଙ୍କ ହୃଦୟ ଜିତିଥିଲେ। ଖବର ଅନୁଯାୟୀ, ଦୀପିକାଙ୍କୁ ଏହି ଫିଲ୍ମରେ ଏକ ବଳିଷ୍ଠ ଭୂମିକା ମଧ୍ୟ ଦିଆଯାଇଥିଲା, କିନ୍ତୁ ସେ ମନା କରିଦେଇଥିଲେ।

ସୁଲତାନ: ସଲମାନ ଖାନ ଏବଂ ଅନୁଷ୍କା ଶର୍ମାଙ୍କ ହିଟ୍ ଫିଲ୍ମ ସୁଲତାନ ଦର୍ଶକଙ୍କୁ ଖୁବ୍ ପସନ୍ଦ କରିଥିଲେ ଏବଂ ଫିଲ୍ମଟି ବକ୍ସ ଅଫିସରେ ମଧ୍ୟ ସୁପରହିଟ ହୋଇଥିଲା | ଏହି ଚଳଚ୍ଚିତ୍ର ପାଇଁ ପୂର୍ବରୁ ଦୀପିକା ପାଦୁକୋନଙ୍କୁ ଅଫର ଦିଆଯାଇଥିଲା, କିନ୍ତୁ କୌଣସି କାରଣରୁ ସେ ମନା କରିଦେଇଥିଲେ | ଏହା ପରେ ଅନୁଷ୍କା ଏହି ଫିଲ୍ମରେ ଅଭିନୟ କରିଥିଲେ |

ଧୁମ: ଆମୀର ଖାନ, କ୍ୟାଟ୍ରିନା କୈଫ ଏବଂ ଅଭିଷେକ ବଚ୍ଚନଙ୍କ ଫିଲ୍ମ ଧୁମ ୩ ମଧ୍ୟ ବକ୍ସ ଅଫିସରେ ହିଟ୍ ହୋଇଥିଲା। ଧୁମ ୩ ପାଇଁ ପ୍ରଥମେ ଦୀପିକା ପାଦୁକୋନଙ୍କୁ ମଧ୍ୟ ଅଫର୍ ଦିଆଯାଇଥିଲା, କିନ୍ତୁ ସେ ମନା କରିବାରୁ କ୍ୟାଟ୍ରିନା ଏହି ଫିଲ୍ମରେ ଅଭିନୟ କରିଥିଲେ |
ରକଷ୍ଟାର: ଚଳଚ୍ଚିତ୍ର ରକଷ୍ଟାର ପାଇଁ ପ୍ରଥମେ ଦୀପିକା ପାଦୁକୋନଙ୍କୁ ଅଫର ଦିଆଯାଇଥିଲା । କିନ୍ତୁ ଦୀପିକା ମନା କରିବା ପରେ ନର୍ଗିସ୍ ଫଖରୀ ରୋମାନ୍ସ କରୁଥିବା ଦେଖିବାକୁ ମିଳିଥିଲା ​​|

ସମ୍ବନ୍ଧିତ ଖବର