ମୁମ୍ବାଇ: ବିବାଦରେ ଟେଲି ଅଭିନେତ୍ରୀ ଦେବୋଲିନା ଭଟ୍ଟାଚାର୍ଜୀ। ନିଜର କୌଣସି ଧାରାବାହିକ ବା କୌଣସି ରିୟାଲିଟି ସୋ’କୁ ନେଇ ନୁହେଁ ବରଂ ଅଭିନେତା ବିଶାଲ ସିଂହଙ୍କ ସହ ନିଜ ଭିଡିଓକୁ ଦେଇ। ବିବାହ ପୂର୍ବରୁ ସେ ନିଜ ବନ୍ଧୁ ତଥା ଅଭିନେତା ବିଶାଲ ସିଂହଙ୍କ ସହ ଭିଡିଓ ସେୟାର କରିଥିବାରୁ ଦେବୋ ବିଶାଲଙ୍କୁ ବିବାହ କରିବେ ବୋଲି ଚର୍ଚ୍ଚା ହୋଇଥିଲା। ହେଲେ ପରେ ଦେବୋ ଫଟୋ ସେୟାର କରି ବିଶାଲଙ୍କୁ ନୁହେଁ ବରଂ ଜିମ୍ ଟ୍ରେନର ‌ଶାହନୱାଜ ଶେଖଙ୍କୁ ବିବାହ କରିଥିବା ସ୍ପଷ୍ଟ କରିଥିଲେ।

Advertisment

ଏବେ ବିବାହ ପରେ ବି ସ୍ବାମୀଙ୍କ ପରିବର୍ତ୍ତେ ପୁଣି ଥରେ ବିଶାଲ ସିଂହଙ୍କ ସହ ଭିଡିଓ ସେୟାର କରିବାରୁ ଲୋକେ ତାଙ୍କୁ ଟ୍ରୋଲ କରିଥିବା ଦେଖାଯାଇଛି। ବିଶାଲ ଓ ଦେବୋଲିନା ଫିଲ୍ମ ପଠାନର 'ବେସରମ ରଙ୍ଗ' ଗୀତରେ ନାଚୁଥିବା ଦେଖାଯାଇଛି।

ତେବେ ବିବାହ ପୂର୍ବରୁ ଦେବୋଲିନାଙ୍କର କିଛି ଫଟୋ ଭାଇରାଲ ହୋଇଥିଲା। ଭାଇରାଲ ହେଉଥିବା ଫଟୋ‌ରେ ଦେବୋଲିନା ଲାଲ ରଙ୍ଗର ଶାଢ଼ୀ ପିନ୍ଧିଥିବା ବେଳେ କନ୍ୟା ଭଳି ସଜ ହୋଇଥିଲେନ୍ତି। ଇନଷ୍ଟା ଷ୍ଟାଟସରେ ସେ ନିଜର କିଛି ଫଟୋ ସେୟାର କରିଥିଲେ, ଯେଉଁଥିରେ ସେ ବଧୂ ବେଶରେ ନଜର ଆସୁଥିଲେ। ହାତରେ ମେହେନ୍ଦୀ ଲଗାଇଥିବା ଦେବୋଲିନା ଅନ୍ୟଜଣକ ହାତରେ ହାତ ରଖି ପିନ୍ଧିିଥିବା ମୁଦି ଦେଖାଇଥିଲେ। ଏସବୁ ଫଟୋ ସହ ସେ ଅଭିନେତା ବିଶାଲ ସିଂହଙ୍କ ସହ ହଳଦୀ ଭିଡିଓ ସେୟାର କରିିଥିବାରୁ ବିଶାଲଙ୍କୁ ହିଁ ଦେବୋଲିନା ବିବାହ କରିଥିବା ଚର୍ଚ୍ଚା ହୋଇଥିଲା। ହେଲେ ‌‌ପରେ ସେ ଶାହନୱାଜଙ୍କ ସହ ଫଟୋ ପୋଷ୍ଟ କରି ତାଙ୍କୁ ବିବାହ କରିଥିବା କହିଥିଲେ।