କୁଳଭୂଷଣଙ୍କୁ ନେଇ ପାକିସ୍ତାନରେ ରିଲିଜ ହେବାକୁ ଯାଉଛି ବିବାଦୀୟ ଫିଲ୍ମ ‘ଢାଇ ଚାଲ’
ନୂଆଦିଲ୍ଲୀ: ପାକିସ୍ତାନର ସବୁବେଳେ ଇଚ୍ଛା ଥାଏ ଯେ କିଭଳି ଭାରତୀୟଙ୍କୁ ଅପମାନିତ କରିହେବ | ଭାରତ ବିରୋଧରେ ବିଷ ଓଗାଳୁଥିବା ପାକିସ୍ତାନ ଏବେ ପୁଣି ଏମିତି ଏକ କାମ କରିଛି ଯାହାକୁ ଭାରତରେ ଜୋରଦାର ବିରୋଧ କରାଯାଉଛି | ବାସ୍ତବରେ ଏବେ ଏକ ପାକିସ୍ତାନୀ ଚଳଚ୍ଚିତ୍ରର ଟ୍ରେଲର ରିଲିଜ ହୋଇଛି | ଯେଉଁଥିରେ ଭାରତର ଭାବମୂର୍ତ୍ତିକୁ ଖରାପ ଢଙ୍ଗରେ ଉପସ୍ଥାପନ କରାଯାଇଛି | ଏହି ଫିଲ୍ମର ନାମ ‘ଢାଇ ଚାଲ’ ଥିବାବେଳେ ଏଥିରେ କୁଳଭୂଷଣଙ୍କ ଚରିତ୍ରକୁ ନେଇ ବିବାଦୀୟ ଭାବରେ ଚିତ୍ରଣ କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନେତା ରସିଦ ନାଜଙ୍କ ସହ ପାକିସ୍ତାନୀ ଅଭିନେତା ଆୟେଶା ଉମର ଏବଂ ଶାମୁନ୍ ଅବ୍ବାସିଙ୍କୁ ଦେଖିବାକୁ ମିଳିବ | ଫିଲ୍ମରେ ଆୟେଶାଙ୍କୁ ସାମ୍ବାଦିକ ଭାବରେ ଏବଂ ଶାମୁନ୍ କୁଳଭୂଷଣଙ୍କ ଭୂମିକାରେ ଅଭିନୟ କରିଛନ୍ତି | ଏହି ଫିଲ୍ମକୁ ଫରହିନ୍ ଚୌଧୁରୀ ଲେଖିଥିବାବେଳେ ‘ଢାଇ ଚାଲ’ର ଟ୍ରେଲରରେ ଅନେକ ବିବାଦୀୟ ସଂଳାପ ଶୁଣିବାକୁ ମିଳିଛି |
ଏଥିରେ କୁଳଭୂଷଣଙ୍କୁ ଆତଙ୍କବାଦୀ ଭାବେ ଦର୍ଶାଯାଇଥିବାବେଳେ ଜମ୍ମୁକଶ୍ମୀର ପ୍ରସଙ୍ଗରେ ବିବାଦୀୟ କଥା କୁହାଯାଇଛି | ଯାହାକୁ ନେଇ ଅଧିକାଂଶ ଭାରତୀୟ ଖପ୍ପା ହୋଇଛନ୍ତି |