ମାତ୍ର ୨୧ବର୍ଷ ବୟସରେ ନିଜଠାରୁ ଦୁଇ ବର୍ଷ ବଡ଼ ଐଶ୍ୱର୍ଯ୍ୟାଙ୍କୁ ବିବାହ କରି ନେଇଥିଲେ ଧନୁଷ, ଏହା ଥିଲା କାରଣ
ନୂଆଦିଲ୍ଲୀ : ଭେଙ୍କଟେଶ ପ୍ରଭୁ ଓରଫ ଧନୁଷ ସାଉଥ୍ ଫିଲ୍ମ ଇଣ୍ଡଷ୍ଟ୍ରୀର ସୁପରଷ୍ଟାର ମଧ୍ୟରୁ ଜଣେ । ତାଙ୍କ ଓଜନ କମ ହେବା ସହ କଳା ରଙ୍ଗ ପାଇଁ ପ୍ରଥମେ ତାଙ୍କୁ କେହି ପସନ୍ଦ କରୁ ନଥିବା ବେଳେ ଏବେ ସେ ନିଜ ଅଭିନୟ ପାଇଁ ସୁପରଷ୍ଟାର ପାଲଟିଛନ୍ତି । ତେବେ ତାଙ୍କର ପେଶାଦାର ଜୀବନଠାରୁ ତାଙ୍କର ବ୍ୟକ୍ତିଗତ ଜୀବନ ଅଧିକ ରୋମାଞ୍ଚକର । ଅନେକ ସମୟରେ ସେ ଏତେ ଶୀଘ୍ର କ’ଣ ପାଇଁ ବିବାହ କଲେ ବୋଲି ଚର୍ଚ୍ଚା ହେଉଥିବା ବେଳେ ଏବେ ତାହାର କାରଣ ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଫିଲ୍ମ କାଢ଼ାଲ କୋଣ୍ଡେ ରିଲିଜ୍ର ପ୍ରଥମ ଦିନ ଫିଲ୍ମ ହିଟ୍ ହେବା ଜାଣି ଥିଏଟରରେ ଉପସ୍ଥିତ ଥିବା କଳାକାରଙ୍କୁ ଆଲିଙ୍ଗନ କରିଥିଲେ ଧନୁଷ । ସେହି ଦିନ ସେ ପ୍ରଥମ ଥର ପାଇଁ ଐଶ୍ୱର୍ଯ୍ୟାଙ୍କୁ ଭେଟିଥିଲେ । ଐଶ୍ୱର୍ଯ୍ୟା ନିଜ ଭଉଣୀ ସୌନ୍ଦର୍ଯ୍ୟା ଓ ବାପା ତଥା ସୁପରଷ୍ଟାର ରଜନୀକାନ୍ତଙ୍କ ସହ ଫିଲ୍ମ ଦେଖିବାକୁ ଆସିଥିଲେ । ପରଦିନ ଐଶ୍ୱର୍ଯ୍ୟା ଧନୁଷଙ୍କୁ ଏକ ବୁକେ ପଠାଇ, ଫିଲ୍ମରେ ଭଲ କାମ କରିଛ ବୋଲି ଲେଖିଥିଲେ । ପରେ ଏକା ସାଙ୍ଗରେ ସମୟ ବିତାଇବାରୁ ଦୁହେଁ ପରସ୍ପରକୁ ଡେଟ୍ କରୁଥିବା ନେଇ ଚର୍ଚ୍ଚା ଆରମ୍ଭ ହୋଇ ଯାଇଥିଲା । ଯାହା ପରେ ଦୁହିଁଙ୍କ ପରିବାର ଲୋକେ ବିବାହ କରାଇଦେବା ପାଇଁ ଚିନ୍ତା କରିଥିଲେ । ହେଉଥିବା ଚର୍ଚ୍ଚାକୁ ବନ୍ଦ କରିବା ପାଇଁ ଧନୁଷ ଓ ଐଶ୍ୱର୍ଯ୍ୟାଙ୍କ ବିବାହ କରାଇ ଦେଇଥିଲେ ପରିବାର ଲୋକେ । ସେତେବେଳେ ଧନୁଷଙ୍କୁ ମାତ୍ର ୨୧ବର୍ଷ ହୋଇଥିବା ବେଳେ ଐଶ୍ୱର୍ଯ୍ୟାଙ୍କୁ ମାତ୍ର ୨୩ବର୍ଷ ହୋଇଥିଲା । ୨୦୦୪ରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିବା ବେଳେ ଦୁଇଟି ସନ୍ତାନର ମାତା-ପିତା ବନି ସାରିଛନ୍ତି ।