‘ମୁଁ ନିରବ ଅଛି, ଅସୁସ୍ଥ ନୁହେଁ’; ଭିଡିଓ ଜାରି କରି କହିଲେ ଧର୍ମେନ୍ଦ୍ର… ଦେଖନ୍ତୁ
ମୁମ୍ବାଇ: ନିଜ ସ୍ୱାସ୍ଥ୍ୟ ବିଷୟରେ ଗଣମାଧ୍ୟମରେ ପ୍ରକାଶିତ ରିପୋର୍ଟକୁ ଖଣ୍ଡନ କରି ଭେଟେରାନ ଅଭିନେତା ଧର୍ମେନ୍ଦ୍ର ସୋମବାର ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରି ପ୍ରଶଂସକମାନଙ୍କୁ ସକରାତ୍ମକ ଚିନ୍ତା କରିବାକୁ ଏବଂ ଗୁଜବକୁ ବିଶ୍ୱାସ ନଦେବାକୁ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ନିଜ ଟ୍ଵିଟର ହାଣ୍ଡେଲରେ ପୋଷ୍ଟ କରାଯାଇଥିବା ଏକ ୪୨ ସେକେଣ୍ଡ ଲମ୍ବା ଭିଡିଓରେ ଧର୍ମେନ୍ଦ୍ର କହିଛନ୍ତି ଯେ ସେ ହୁଏତ ତାଙ୍କ ଅସୁସ୍ଥତା ବିଷୟରେ ଗଣମାଧ୍ୟମରେ ପ୍ରକାଶିତ କଳ୍ପନାଜଳ୍ପନା କାହାଣୀ ଉପରେ ନିରବ ରହିଥାଇ ପାରନ୍ତି କିନ୍ତୁ ସେ ଅସୁସ୍ଥ ନୁହଁନ୍ତି।
Friends, With Love to You All 💕. pic.twitter.com/o4mXJSBDyF
— Dharmendra Deol (@aapkadharam) June 6, 2022
‘ବନ୍ଧୁଗଣ, ସକରାତ୍ମକ ହୁଅନ୍ତୁ, ସକରାତ୍ମକ ଚିନ୍ତା କରନ୍ତୁ। ଜୀବନ ସକରାତ୍ମକ ହେବ। ମୁଁ ଚୁପ୍ ଅଛି, କିନ୍ତୁ ଅସୁସ୍ଥ ନୁହେଁ’… ବୋଲି ୮୬ ବର୍ଷ ବୟସ୍କ ଧର୍ମେନ୍ଦ୍ର ଭିଡିଓ କ୍ଲିପ୍ରେ କହିଛନ୍ତି।
ଭିଡିଓରେ ୧୯୬୯ର ତାଙ୍କର ହିଟ୍ ଚଳଚ୍ଚିତ୍ର ‘ଆୟା ସାୱନ୍ ଝୁମ୍ କେ’ର ‘ବୁରା ମତ୍ ସୁନୋ’… ଗୀତର ଗୀତକୁ ଦର୍ଶାଇ ସୁପରଷ୍ଟାର ତାଙ୍କ ପ୍ରଶଂସକମାନଙ୍କୁ ନିଜ ନିଜ ସ୍ୱାସ୍ଥ୍ୟର ଯତ୍ନ ନେବାକୁ ଅନୁରୋଧ କରିଛନ୍ତି। ‘ପରସ୍ପରକୁ ଭଲ ପାଆନ୍ତୁ, ପରସ୍ପର ପାଇଁ ଭଲ ହୁଅନ୍ତୁ। ଜୀବନ ସୁନ୍ଦର ହେବ’ ବୋଲି ସେ ଭିଡିଓରେ କହିଛନ୍ତି।
ଦିନକ ପୂର୍ବରୁ ଧର୍ମେନ୍ଦ୍ରଙ୍କ ଅଭିନେତା-ପୁତ୍ର ସନ୍ନି ଏବଂ ବବି ଦେଓଲ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଷୟରେ କଳ୍ପନାଜଳ୍ପନା କାହାଣୀକୁ ଖାରଜ କରି ଦେଇଥିଲେ। ‘ମୋ ବାପା ସମ୍ପୂର୍ଣ୍ଣ ସୁସ୍ଥ ଏବଂ ସର୍ବୋତ୍ତମ ସ୍ୱାସ୍ଥ୍ୟରେ ଅଛନ୍ତି ସନ୍ନି ଦେଓଲ କହିଥିଲେ। ସେହିପରି ତାଙ୍କର ଅନ୍ୟତମ ପୁତ୍ର ବବି ଦେଓଲ କହିଛନ୍ତି ଯେ ସେମାନଙ୍କ ପିତା ବର୍ତ୍ତମାନ ସେମାନଙ୍କ ମୁମ୍ବାଇ ଘରେ ଅଛନ୍ତି ଏବଂ ଲୋକମାନେ ତାଙ୍କ ସ୍ୱାସ୍ଥ୍ୟକୁ ନେଇ ଗୁଜବ ପ୍ରଚାର କରିବା ଦୁଃଖଦାୟକ।