‘ମଣିକର୍ଣ୍ଣିକା’ ପରେ ଏବେ ‘ମେଣ୍ଟାଲ ହେ କ୍ୟା’କୁ ନେଇ କଙ୍ଗନାଙ୍କ ଅଜବ ଡିମାଣ୍ଡ, ରାଗି ପାରନ୍ତି ରାଜକୁମାର ରାଓ ଏବଂ ଏକତା କପୁର
ମୁମ୍ବାଇ: କିଛି ଦିନ ତଳେ ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ଵତ୍ଙ୍କ ଫିଲ୍ମ ‘ମଣିକର୍ଣ୍ଣିକା’ ରିଲିଜ୍ ହୋଇଥିଲା । ଯାହାକୁ ନେଇ ଇଣ୍ଡଷ୍ଟ୍ରିର କିଛି ଲୋକ କଙ୍ଗନାଙ୍କୁ ଟ୍ରୋଲ କରିବା ଆରମ୍ଭ କରିଥିଲେ । କିନ୍ତୁ କଙ୍ଗନା କାହାକୁ ନ ଡ଼ରି କଡ଼ା ଜବାବ ଦେଇଥିଲେ । ‘ମଣିକର୍ଣ୍ଣିକାର’ ସୁଟିଂ ସମୟରେ କଙ୍ଗନାଙ୍କ ହସ୍ତକ୍ଷପ ପାଇଁ ଫିଲ୍ମର ନିର୍ଦ୍ଦେଶକ କ୍ରିଶ ନିର୍ଦ୍ଦେଶନା ଦେବାକୁ ମନା କରି ଦେଇଥିବା ବେଳେ କଙ୍ଗନା ନିଜେ ଫିଲ୍ମର ନିର୍ଦ୍ଦେଶନା ଦେଇଥିଲେ । ଏବେ କଙ୍ଗନା ନିଜର ଆଗାମୀ ଫିଲ୍ମ ‘ମେଣ୍ଟାଲ ହେ କ୍ୟା’କୁ ନେଇ ମଧ୍ୟ ହସ୍ତକ୍ଷେପ କରିବା ଆରମ୍ଭ କରିଥିବା ଜଣା ପଡ଼ିଛି । ତାଙ୍କର ଅଜବ ଡିମାଣ୍ଡ ଏବେ ସମସ୍ତଙ୍କର ମୁଣ୍ଡ ବିନ୍ଧାର କାରଣ ପାଲଟିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କଙ୍ଗନା ନିଜର ଏକ ସ୍ୱତନ୍ତ୍ର ପୋଷ୍ଟର ଚାହୁଁ ଥିବା ବେଳେ ସ୍ୱତନ୍ତ୍ର ପୋଷ୍ଟର ରିଲିଜ୍ କରିବା ପାଇଁ ରାଜି ହେଲେ ସେ ପୋଷ୍ଟର ସୁଟିଂ କାମ ଆରମ୍ଭ କରିବେ ବୋଲି କହିଛନ୍ତି । ଏକତା କପୁର ଏହି ଫିଲ୍ମର ପ୍ରଯୋଜିକା ଥିବା ବେଳେ ତାଙ୍କୁ ଏବଂ ଅଭିନେତା ରାଜକୁମାର ରାଓଙ୍କୁ କଙ୍ଗନାଙ୍କ ଏଭଳି ଡିମାଣ୍ଡ ଖରାପ ଲାଗିପାରେ ବୋଲି ଚର୍ଚ୍ଚା ହେଉଛି । ତେବେ ନିର୍ଦ୍ଦେଶକ ଏବଂ ପ୍ରଯୋଜକ କଙ୍ଗନାଙ୍କ ଏଭଳି ଦାବିକୁ ପୂରଣ କରୁଛନ୍ତି କି ନାହିଁ, ତାହା ଦେଖିବାକୁ ବାକି ରହିଲା ।