ବର୍ତ୍ତମାନର ରାଜନୀତିକୁ ନେଇ ଅନୁରାଗ କଶ୍ୟପଙ୍କ ବଡ଼ ବୟାନ: ଘୃଣାର ରାଜନୀତି ଶେଷ ହେଉ, ମୋଦୀଙ୍କଠାରୁ ଅନେକ ଗୁଣରେ ଭଲ ଗଡ଼କରୀ
ମୁମ୍ବାଇ : ବଲିଉଡ୍ର ଜଣାଶୁଣା ଫିଲ୍ମ ନିର୍ମାତା ଅନୁରାଗ କଶ୍ୟପ ବର୍ତ୍ତମାନର ରାଜନୈତିକ ପରିସ୍ଥିତି ଦେଖି ନିଜର ବୟାନ ରଖିଛନ୍ତି । ପୂର୍ବରୁ ସେ ବିଜେପି ସରକାର ଏବଂ ମୋଦୀଙ୍କ ବିରୋଧୀ ବୋଲି ସ୍ପଷ୍ଟ କରି ସାରିଥିବା ବେଳେ ଏବେ ସେ ନୀତିନ ଗଡକରୀ ମୋଦୀଙ୍କଠାରୁ ଅନେକ ଗୁଣରେ ଭଲ ବୋଲି କହିଛନ୍ତି । ଦେଶରେ ଏବେ ଲୋକସଭା ନିର୍ବାଚନର ମାହୋଲ ଥିବା ବେଳେ ଦେଶର ବଡ଼ ବଡ଼ ନେତା ଏବଂ କଳାକାରମାନେ ସୋସିଆଲ ମିଡିଆ ଜରିଆରେ ନିଜ ନିଜର ମତ ରଖୁଥିବା ଦେଖା ଯାଇଛି । ଏ ମଧ୍ୟରେ ନିଜର ମତ ରଖି ବିବାଦରେ ଛନ୍ଦି ହୋଇ ପଡ଼ିଛନ୍ତି ଫିଲ୍ମ ନିର୍ମାତା ଅନୁରାଗ କଶ୍ୟପ ।
Sambad is now on WhatsApp
Join and get latest news updates delivered to you via WhatsApp
I will tell you a far greater option to Modi within the BJP is Gadkari . One thing you can’t take out of indian politics is corruption. They all are the same. But what you definitely can take out is communalism, the politics of hate and fear. https://t.co/7HaQYXpHTB
— Anurag Kashyap (@anuragkashyap72) April 13, 2019
ଟୁଇଟ୍ କରି ସେ କହିଛନ୍ତି, “ବିଜେପି ଭିତରେ ହିଁ ମୋଦୀଙ୍କର ବିକଳ୍ପ ରହିଛି । ବାହାରେ ଖୋଜିବାର ଆବଶ୍ୟକ ନାହିଁ । ମୋଦୀଙ୍କ ସ୍ଥାନରେ ଆମେ ଗଡକରୀଙ୍କୁ ଦାୟିତ୍ୱ ଦେଇ ପାରିବା । ଏବେକା ରାଜନୀତି ଭ୍ରଷ୍ଟ ହୋଇଗଲାଣି । ଭ୍ରଷ୍ଟାଚାର ଏତେ ବଢ଼ିଗଲାଣି କି ସେଥିରୁ ବାହାରିବା କଷ୍ଟ । କିନ୍ତୁ ଏବେ ବି ଆମେ ଘୃଣାର ରାଜନୀତିରୁ ମୁକ୍ତି ପାଇ ପାରିବା । ଏ ସବୁ ମଇଳାକୁ ସଫା କରିବା ପାଇଁ ଗଠବନ୍ଧନ ସରକାର ତିଆରି କରିବାକୁ ହେବ” ବୋଲି ଲେଖିଥିଲେ ଅନୁରାଗ କଶ୍ୟପ ।