ଆଲିଆ ସବୁ ଟିକେଟ କିଣି ଫିଲ୍ମର ଆୟ ଘୋଷଣା କରିଛନ୍ତି, କେହି ଦେଖିବାକୁ ଯାଉନାହାନ୍ତି: ଦିବ୍ୟା

ମୁମ୍ବାଇ: ପ୍ରେକ୍ଷାଳୟରେ ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଏବଂ ଅଭିନେତା ବେଦାଙ୍ଗ ରାଇନାଙ୍କ ଫିଲ୍ମ 'ଜିଗରା' ମୁକ୍ତିଲାଭ କରିଛି। ଏହି ଆକ୍ସନ୍-ଡ୍ରାମା ଫିଲ୍ମରେ ଆଲିଆଙ୍କ ଆକ୍ସନ୍ ଅବତାର ଦେଖିବାକୁ ପ୍ରଶଂସକମାନେ ଉତ୍ସାହର ସହ ଅନାଇ ବସିଥିଲେ | କିନ୍ତୁ ରିଲିଜ୍ ପରେ ଫିଲ୍ମଟି ସେତେ ଭଲ ବ୍ୟବସାୟ କରିପାରିନଥିବା ଜଣାଯାଇଛି | ଫିଲ୍ମର ଆୟକୁ ଦେଖି 'ଜିଗରା' ପ୍ରେକ୍ଷାଳୟରେ ଦର୍ଶକଙ୍କୁ ପ୍ରଭାବିତ କରିବାରେ ବିଫଳ ହୋଇଥିବା ନେଇ ଚର୍ଚ୍ଚା ଆରମ୍ଭ ହୋଇଛି |

ଏମଧ୍ୟରେ ଅଭିନେତ୍ରୀ ଦିବ୍ୟା ଖୋସଲା କୁମାରଙ୍କ ଇନଷ୍ଟା ଷ୍ଟୋରୀ ନୂଆ ବିବାଦ ଆରମ୍ଭ କରିଛନ୍ତି। ଦିବ୍ୟା ଇନଷ୍ଟାରେ ଲେଖିଥିଲେ ଯେ," 'ଜିଗରା' ଦେଖିବା ପାଇଁ ମୁଁ ସିଟି ମଲ୍ ପିଭିଆରକୁ ଯାଇଥିଲି । ହେଲେ ପ୍ରେକ୍ଷାଳୟଗୁଡ଼ିକ ସମ୍ପୂର୍ଣ୍ଣ ଖାଲି ଥିଲା | ସମସ୍ତ ପ୍ରେକ୍ଷାଳୟ ଖାଲି ପଡ଼ୁଛି । ଆଲିଆ ଭଟ୍ଟ ପ୍ରକୃତରେ ବହୁତ ଚାଲାକ । ସେ ନିଜେ ଟିକେଟ୍ କିଣି ନକଲି ଆୟ ଘୋଷଣା କରିଦେଲେ । ଏବେ ଟଙ୍କା ନେଇ କାମ କରୁଥିବା ଗଣମାଧ୍ୟମ କାହିଁକି ଚୁପ୍?

କାହାର ନାମ ନନେଇ ବଲିଉଡ ପ୍ରଯୋଜକ-ନିର୍ଦ୍ଦେଶକ କରଣ ଜୋହର ପୋଷ୍ଟ କରି ପ୍ରତିକ୍ରିୟା ଦେଇଥିଲେ ଯେ, "ନୀରବତା ହେଉଛି ସର୍ବୋତ୍ତମ ଜବାବ ଯାହା ତୁମେ ମୂର୍ଖମାନଙ୍କୁ ଦେଇପାରିବ | "

କରଣ ପ୍ରତିକ୍ରିୟା ରଖିଥିଲେ ବି ଏପର୍ଯ୍ୟନ୍ତ ଆଲିଆ କୌଣସି ପ୍ରତିକ୍ରିୟା ଦେଇନାହାନ୍ତି। ଏହି ବିବାଦ କେତେ ବାଟ ଯିବ ତାହା ଦେଖିବାକୁ ବାକି ରହିଲା।