‘ଆନିମଲ’କୁ ନେଇ ଏଲଭିଶ କହିଲେ,‘ ସିନେମା ଏତେ ନକଲି କେମିତି ହୋଇପାରେ’

ନୂଆଦିଲ୍ଲୀ: ଡିସେମ୍ବର ୧ରେ ଫିଲ୍ମ ‘ଆନିମଲ’ ରିଲିଜ ହୋଇଥିଲା। ଏହି ଫିଲ୍ମରେ ମୁଖ୍ୟ ଚରିତ୍ରରେ ରଣବୀର କପୁର ଅଭିନୟ କରିଥିବା ବେଳେ ବକ୍ସ ଅଫିସରେ ଏହା ଧମାଲ ମଚାଇଛି। ରିଲିଜ୍ ପୂର୍ବରୁ ଫିଲ୍ମଟି ବକ୍ସ ଅଫିସ କିଙ୍ଗ ପାଲଟିବ ବୋଲି କୁହାଯାଉଥିଲା। ରିଲିଜ ପରେ ଏହା ସତ ହେବ ବୋଲି ଦର୍ଶକ କହିବା ଆରମ୍ଭ କରିଛନ୍ତି। ଦର୍ଶକଙ୍କଠାରୁ ଆରମ୍ଭ କରି ଫିଲ୍ମ ନିର୍ମାତାଙ୍କ ପର୍ଯ୍ୟନ୍ତ ସମସ୍ତେ ଫିଲ୍ମକୁ ପସନ୍ଦ କରିଛନ୍ତି।

ନିକଟରେ ବିଗ୍ ବସ୍ ଓଟିଟି ବିଜୟୀ ହୋଇଥିବା ୟୁଟ୍ୟୁବର ଏଲଭିଶ ଯାଦବ ‘ଆନିମଲ’ ସିନେମା ଦେଖିବାକୁ ପ୍ରେକ୍ଷାଳୟରେ ଯାଇ ପହଞ୍ଚିଥି‌ଲେ। ସିନେମା ଦେଖି ଫେରିବା ପରେ ସେ ଏକ ଭିଡିଓ କରିଥିଲେ। ଯେଉଁଥିରେ ଏଲଭିଶ କହୁଛନ୍ତି, ‘ସିନେମା ଏତେ ନକଲି କେମିତି ହୋଇପାରେ। ଅନେକ ଦିନ ପରେ କୌଣସି ସିନେମା ଦେଖିବା ପାଇଁ ଯାଇଥିଲି। କିନ୍ତୁ ‘ଆନିମଲ’ ସିନେମା ‌ଦେଖିବା ପରେ ମନ ପୂରା ଭାଙ୍ଗି ଯାଇଛି। ନିର୍ଦ୍ଦେଶକ ସୀମା ବାହାରେ ସିନେମାରେ ମିଥ୍ୟା ଘଟଣାକୁ ଦେଖାଇଛନ୍ତି।

ସିନେମା ଦେଖିବା ପରେ ମୋର ମନକୁ ପ୍ରଶ୍ନ ଆସୁଛି କି ଏକ ଦୃଶ୍ୟରେ ଅନେକ ଲୋକଙ୍କୁ ହତ୍ୟା କରାଯାଉଛି, କିନ୍ତୁ ପୁଲିସ ଆସୁନାହିଁ। ହଁ ହତ୍ୟାକାରୀ ବଡ଼ଘରର ‌ଲୋକ ତେଣୁ ଏପରି ଦେଖାଯାଇଛି। ଆଚ୍ଛା ଆପଣମାନେ କୁହନ୍ତ ତ ଆଗାମୀ ଦିନରେ ଯଦି ଅମ୍ବାନୀ ହତ୍ୟା କରି‌ବେ ତାଙ୍କୁ କ’ଣ ପୁଲିସ ଧରିବ ନାହିଁ।’

ପ୍ରକାଶିତ ରି‌ପୋର୍ଟ ମୁତାବକ, ‘ଆନିମଲ’ର ଆୟ କଥ‌ା କହିବାକୁ ଗଲେ, ରିଲିଜ ହେବାର ୫ମ ଦିନ‌ରେ ଏହା ୩୮.୨୫ କୋଟ ଟଙ୍କା ଆୟ କରିଛି। ୫ମ ଦିନରେ ସିନେମାର ମୋଟ ରୋଜଗାର ୨୮୩.୭୪ କୋଟିରେ ପହଞ୍ଚିଥିବା ବେଳେ ସାରା ବିଶ୍ବରରେ ‘ଆନିମଲ’ ୪୨୫କୋଟିରୁ ଅଧିକ ବ୍ୟବସାୟ କରିଛି।। ଏହାକୁ ଦେଖି ରଣବୀରଙ୍କ ସିନେମା ରେକର୍ଡ ଭାଙ୍ଗୁଥିବା କୁହାଯାଉଛି। ଏଭଳି ରେକର୍ଡ ସମୟରେ ଏଲଭିଶଙ୍କ ସିନେମା  ରିଭ୍ୟୁ ଭିଡିଓକୁ ଦର୍ଶକ ଟ୍ରୋଲ କରିବା ଆରମ୍ଭ କରି ଦେଇଛନ୍ତି।