ସଲମାନଙ୍କ ଗୀତରେ ଝୁମିଲେ ଇଶା ଦେଓଲ : ଭାଇରାଲ ହେଲା ଭିଡିଓ
ନୂଆଦିଲ୍ଲୀ : ଡ଼୍ରିମଗର୍ଲ ହେମା ମାଲିନୀଙ୍କ ବଡ଼ ଝିଅ ଇଶା ଦେଓଲ ବଲିଉଡ଼ରେ ଅନେକ ଚଳଚ୍ଚିତ୍ରରେ ଅଭିନୟ କରିଥିଲେ ମଧ୍ୟ ତାଙ୍କୁ ଖାସ ସଫଳତା ମିଳିନଥିଲା। ତେବେ ବର୍ତ୍ତମାନ କିଛି ଦିନ ହେବ ପୁଣି ଥରେ ଚର୍ଚ୍ଚାକୁ ଆସିଛନ୍ତି ଇଶା ଦେଓଲ । ଏବେ ଇଶାଙ୍କ ଦିଅର ଦେବେଶ ତଖତାନିଙ୍କ ବିବାହ ହୋଇଥିଲା। ଦିଅରର ବିବାହରେ ଇଶା ସଲମାନଙ୍କ ଅଭିନୀତ ଏକ ଗୀତରେ ଖୁବ ଝୁମିଥିବାର ଦେଖା ଯାଇଥିଲା । ବର୍ତ୍ତମାନ ତାଙ୍କ ନାଚର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।
Sambad is now on WhatsApp
Join and get latest news updates delivered to you via WhatsApp
୨୦୧୨ ମସିହାରେ ଭରତ ତଖତାନିଙ୍କ ସହିତ ବିବାହ ବନ୍ଧନରେ ବାନ୍ଧି ହୋଇଥିବା ଇଶା ୨୦୧୬ ମସିହାରେ ଏକ ଶିଶୁପୁତ୍ରୀକୁ ଜନ୍ମ ଦେଇଥିଲେ । ବିବାହ ପରେ ଚର୍ଚ୍ଚାରୁ ଦୂରରେ ରହିଥିବା ଇଶା ତାଙ୍କ ଦିଅରର ବିବାହକୁ ନେଇ ମିଡ଼ିଆରେ ଆଲୋଚନାର ବିଷୟ ପାଲଟିଛନ୍ତି । ଇଶା ସଲମାନଙ୍କ ‘ଝୁମେକି ରାତ ହୈ’ ଗୀତରେ ତାଙ୍କ ଦିଅର ଏବଂ ସ୍ୱାମୀଙ୍କ ସହିତ ଠୁମକା ଲଗାଇଥିଲେ । ତେବେ ବିବାହରେ ହେମା ମାଲିନୀ ଏବଂ ନଣନ୍ଦ ତଓ୍ଵି ଗୁପ୍ତାଙ୍କ ସହିତ ମଧ୍ୟ ସୋସିଆଲ ମିଡିଆରେ ଇଶା ଫଟୋ ପୋଷ୍ଟ କରିଥିଲେ ।