ମାଆ ହେଲେ ଅଭିନେତ୍ରୀ ଇଶା ଦେଓଲ
ବଲିଉଡର ହିମ୍ୟାନ ଭାବେ ଜଣାଶୁଣା ଧର୍ମେନ୍ଦ୍ର ଓ ସ୍ୱପ୍ନ ସୁନ୍ଦରୀ ହେମାମାଳିନିଙ୍କ କନ୍ୟା ଅଭିନେତ୍ରୀ ଇଶା ଦେଓଲ ମାଆ ହୋଇଛନ୍ତି । ଆଜି ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି ଇଶା ଦେଓଲ । ମୁମ୍ବାଇ ସ୍ଥିତ ହିନ୍ଦୁଜା ହସ୍ପିଟାଲରେ ସେ କନ୍ୟାକୁ ଜନ୍ମ ଦେଇଛନ୍ତି । ଉଭୟ ମା ଓ ଶିଶୁ ସୁସ୍ଥ ଅଛନ୍ତି । ସେମାନେ ସକାଳ ୧୧.୩୦ରେ ହସ୍ପିଟାଲରୁ ଡିସଚାର୍ଜ ହେବେ ବୋଲି ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନାଯୋଗ୍ୟ ଯେ ଚଳିତ ବର୍ଷ ଏପ୍ରିଲରେ ସେ ଗର୍ଭବତୀ ଥିବା ଏକ ଫଟୋ ଇନଷ୍ଟାଗ୍ରାମରେ ସେୟାର କରିଥିଲେ ଇଶା । ଇଶା ଦେଓଲଙ୍କ ବିବାହ ଭରତ ତକ୍ଷାନୀଙ୍କ ସହ ହୋଇଥିଲା । କିଛି ଦିନ ଡେଟିଂ କରିବା ପରେ ୨୦୧୨ ମସିହା ଜୁନ ମାସରେ ବିବାହ ବନ୍ଧନରେ ଆବଦ୍ଧ ହୋଇଥିଲେ । ୨୦୧୫ ପରଠୁ ଇଶାଙ୍କୁ ବଡ ପରଦାରେ ଦେଖିବାକୁ ମିଳିନାହିଁ । ଶେଷଥର ପାଇଁ ୨୦୧୫ରେ ରିଲିଜ ବହୁଭାଷୀ ଫିଲ୍ମ ‘କିଲ ଦେମ ୟଙ୍ଗ’ ରେ ଇଶା ନଜର ଆସିଥିଲେ ।