ମୁମ୍ବାଇ: ମନୋରଞ୍ଜନ ଜଗତରୁ ଏକ ଅତ୍ୟନ୍ତ ଦୁଃଖଦ ଖବର ଆସିଛି। ଆଗାମୀ ୱେବ୍ ସିରିଜ୍ 'ଫ୍ୟାମିଲି ମ୍ୟାନ୍' ସିଜିନ୍ ୩ ପାଇଁ ଚର୍ଚ୍ଚାରେ ଥିବା ଅଭିନେତା ରୋହିତ ବସଫୋରଙ୍କ ଦେହାନ୍ତ ହୋଇଯାଇଛି। ରବିବାର ଅପରାହ୍ନରେ, ଏପ୍ରିଲ ୨୭ ତାରିଖରେ ଗୌହାଟି ନିକଟସ୍ଥ ଗର୍ଭଙ୍ଗା ଜଳପ୍ରପାତରେ ରୋହିତଙ୍କ ମୃତଦେହ ମିଳିଥିଲା। କିନ୍ତୁ ପରିବାର ଲୋକ ସନ୍ଦେହ କରୁଛନ୍ତି ଯେ ତାଙ୍କୁ ହତ୍ୟା କରାଯାଇଛି। ପୁଲିସ ଏହି ମାମଲାର ତଦନ୍ତ ଆରମ୍ଭ କରିଛି। ତାଙ୍କ ମୃତ୍ୟୁ ଖବର ଆସିବା ପରେ ଏବେ ଅଭିନେତାଙ୍କ ପରିବାର ଉପରେ ଦୁଃଖର ପାହାଡ ଭାଙ୍ଗି ପଡ଼ିଛି।

Advertisment

ରାଣୀ ପୁଲିସ ଷ୍ଟେସନର ଅଧିକାରୀମାନେ କହିଛନ୍ତି ଯେ, ଘଟଣାଟି ଅପରାହ୍ନ ପ୍ରାୟ ୨ଟା ସମୟରେ ଘଟିଥିଲା। ରୋହିତ ତାଙ୍କ ୯ଜଣ ବନ୍ଧୁଙ୍କ ସହ ପିକନିକ୍ କରିବାକୁ ସେଠାକୁ ଯାଇଥିଲେ। ଏହି ସମୟରେ ସେ ଜଳପ୍ରପାତରେ ପଡ଼ି ମୃତ୍ୟୁବରଣ କଲେ। ଆମେ ଅପରାହ୍ନ ପ୍ରାୟ ୪ଟାରେ ସୂଚନା ପାଇଥିଲୁ ଏବଂ ଅପରାହ୍ନ ୪:୩୦ରେ ଘଟଣାସ୍ଥଳରେ ପହଞ୍ଚିଥିଲୁ। ଏହା ପରେ, ଏସଡିଆରଏଫ ଦଳ ସନ୍ଧ୍ୟା ପ୍ରାୟ ୬ଟା ୩୦ରେ ରୋହିତଙ୍କ ମୃତଦେହ ଉଦ୍ଧାର କରିଥିଲେ।

Family Man 3 actor Rohit Basfore found dead near Assam waterfall, kin allege foul play

ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ, ରୋହିତ ବସଫୋର ଭୁଲବଶତଃ ଜଳପ୍ରପାତରେ ପଡ଼ିଯାଇଥିଲେ। ହତ୍ୟା କରାଯାଇଥିବା ନେଇ କ‌ୌଣସି ପ୍ରମାଣ ମିଳିନାହିଁ। ବର୍ତ୍ତମାନ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି ଏବଂ ମାମଲାର ତଦନ୍ତ ଚାଲିଛି।