/sambad/media/agency_attachments/2024-07-24t043029592z-sambad-original.webp)
ମୁମ୍ବାଇ: ଟ୍ଵିଟର୍ରେ କେତେ ଜଣ ସକ୍ରିୟ କଳାକାରଙ୍କ ମଧ୍ୟରୁ ଖିଲାଡ଼ି ବୟ ଅକ୍ଷୟ କୁମାର ଅନ୍ୟତମ। ପ୍ରଶଂସକମାନଙ୍କ ଭଲପାଇବାର କିପରି ପ୍ରତ୍ୟୁତ୍ତର ଦିଆଯାଏ ତାହା ଅକ୍ଷୟ ବେଶ୍ ଭଲ ଭାବେ ଜାଣନ୍ତି। ୧୯୯୭ ମସିହାର ଅକ୍ଷୟଙ୍କର ଏକ ଫଟୋ ସେୟାର୍ କରି ଜଣେ ପ୍ରଶଂସକ କରିଥିବା ଟ୍ଵିଟ୍ର ପ୍ରତ୍ୟୁତ୍ତର ଦେଇ ପ୍ରଶଂସକଙ୍କୁ ଯଥେଷ୍ଟ ସମ୍ମାନ ଦେଇଛନ୍ତି ସେ।
Of course I do...good old days of fan mail :) Hope you’re doing good. God bless always https://t.co/wt3D6iAdTx
— Akshay Kumar (@akshaykumar) July 22, 2019
ଆନନ୍ଦ ନାମକ ପ୍ରଶଂସକ ଅକ୍ଷୟଙ୍କର ୧୯୯୭ ମସିହାର ଏକ ଫଟୋ ପୋଷ୍ଟ କରି ଲେଖିଛନ୍ତି, ‘ପ୍ରିୟର ଅକ୍ଷୟ କୁମାର ସାର୍, ଏହି ଫଟୋ ଆପଣ ମୋତେ ୧୯୯୭ ମସିହାରେ ପଠାଇଥିଲେ। ମୁଁ ସେ ସମୟରେ ଆପଣଙ୍କୁ ଏକ ଗ୍ରହଣୀୟତା ପତ୍ର ପଠାଇଥିଲେ। ଆପଣ ବଦଳରେ ମୋତେ ଏହି ଫଟୋ ସହ ଆପଣଙ୍କ ଆଗାମୀ ଚଳଚ୍ଚିତ୍ର ତାଲିକା ଦେଇଥିଲେ। ଆଶା କରୁଛି ଆପଣଙ୍କ ଏହା ମନେ ଥିବ। ଆପଣଙ୍କର ଜଣେ ବଡ଼ ପ୍ରଶଂସକଙ୍କ ନିକଟରୁ ଭଲପାଇବା।’
ଏହାର ଉତ୍ତରରେ ଅକ୍ଷୟ ଲେଖିଛନ୍ତି, ‘ନିଶ୍ଚିତ ଭାବେ ମୁଁ ମନେ ରଖିିଛି। ପ୍ରଶଂସକଙ୍କ ଡାଏରିର ଏକ ଭଲ ପୁୁରୁଣା ଦିନ। ଆଶା କରୁଛି ତୁମେ ଭଲରେ ଥିବ। ଭଗବାନ ଆଶୀର୍ବାଦ କରନ୍ତୁ।’
