ପୁଣି ବାତିଲ ହେଲା ‘ହାଉସ୍ଫୁଲ-୪’ର ସୁଟିଂ: ସେଟ୍ରେ ଜୁନିୟର ଆର୍ଟିଷ୍ଟଙ୍କ ସହ ଅସଦାଚରଣ, ଥାନାରେ ମାମଲା
ମୁମ୍ବାଇ : ଆରମ୍ଭରୁ ହିଁ ବିବାଦରେ ଛନ୍ଦି ହୋଇ ପଡ଼ିଛି ଫିଲ୍ମ ‘ହାଉସ୍ଫୁଲ-୪’ । ସୁଟିଂ ଅଧା ହୋଇଥିବା ବେଳେ ଫିଲ୍ମର ନିର୍ଦ୍ଦେଶକ ସାଜିଦ୍ ଖାନ୍ ଏବଂ କଳାକାର ନାନା ପାଟେକରଙ୍କ ଉପରେ ଯୌନ ଶୋଷଣର ଅଭିଯୋଗ ଲାଗିଥିଲା। ଏହା ପରେ ଫିଲ୍ମର ସୁଟିଂ ଅଟକି ଥିବା ବେଳେ ଦୁହିଁଙ୍କୁ ଫିଲ୍ମରୁ ବାହାର କରି ଦିଆଯାଇଥିଲା । କିଛି ଦିନ ବନ୍ଦ ରହି ଏବେ ମୁମ୍ବାଇରେ ସୁଟିଂ ଆରମ୍ଭ ହୋଇଥିବା ବେଳେ ପୁଣି ଏକ ଅଘଟଣା ଘଟିଥିବା ଜଣା ପଡ଼ିଛି । ଜୁନିୟର ଆର୍ଟିଷ୍ଟ ଭାବେ କାମ କରୁଥିବା ଜଣେ ଯୁବତୀଙ୍କୁ ଫିଲ୍ମରେ କାମ କରୁଥିବା ପବନ ସେଟ୍ଟୀ ଏବଂ ସାଗର ନିଜର ୪ ଜଣ ସାଙ୍ଗଙ୍କ ସହ ମିଶି ଆଶାଳୀନ ବ୍ୟବହାର କରିଥିବା ଅଭିଯୋଗ ହୋଇଛି । ଏହି ଘଟଣା ଘଟିବା ପରେ ଏବେ ପୀଡ଼ିତା ପୁଲିସରେ ଅଭିଯୋଗ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଯୁବତୀଙ୍କ ଅଭିଯୋଗ ଅନୁଯାୟୀ, ମୁମ୍ବାଇର ଚିତ୍ରକୁଟ ଷ୍ଟୁଡ଼ିଓରେ ସୁଟିଂ ଚାଲୁଥିବା ବେଳେ ପବନ ସେଟ୍ଟୀ ଏବଂ ସାଗର ଆସି ମୋତେ ମୁଁ ବସିଥିବା ଚେୟାରୁ ଉଠାଇବାକୁ ଚେଷ୍ଟା କରିଥିଲେ । କାରଣ ପଚାରିବାରୁ ଆମ ସହ ଚାଲ ବୋଲି କହି ସେମାନେ ମୋତେ ଟାଣିବାକୁ ଲାଗିଥିଲେ । ତାଙ୍କ ସହ ଅନ୍ୟ ୪ ଜଣ ଲୋକ ମଧ୍ୟ ରହିଥିଲେ । ମୁଁ ମନା କରିବା ପରେ ସେମାନେ ମୋ ଗୁପ୍ତାଙ୍ଗକୁ ସ୍ପର୍ଶ କରିବା ସହ ମୋତେ ଧକ୍କା ଦେଇଥିଲେ । ଏହା ପରେ ମୁଁ ଅଭିଯୋଗ କରିବା ପାଇଁ ବାଧ୍ୟ ହେଲି ।
Was sitting with a colleague when suddenly 2 men Pawan Shetty&Sagar&4 others came&tried to take away my colleague forcefully. They also threatened. I tried to stop them. Shetty started pushing me&touched my pvt parts. I’ve filed a molestation case. I want him behind bars: Victim pic.twitter.com/nDQ8uPSQ2q
— ANI (@ANI) October 26, 2018