ରିଲିଜ୍ ହେବ ‘ରାଧେଶ୍ୟାମ୍’
ଗୁଲସନ୍ କୁମାର ଓ ଟି-ସିରିଜ୍ ନିବେଦିତ ‘ରାଧେଶ୍ୟାମ୍’ର ନିର୍ଦ୍ଦେଶନା ଦେଇଛନ୍ତି ରାଧାକୃଷ୍ଣ କୁମାର ଏବଂ ପ୍ରଯୋଜନା କରିଛନ୍ତି ଭୂଷଣ କୁମାର, ଭାମ୍ସୀ ଓ ପ୍ରମୋଦ। ଏଥିରେ ପ୍ରଭାସ ଓ ପୂଜାଙ୍କ ବ୍ୟତୀତ ସଚ୍ଚିନ୍ ଖେଦେକର, ପ୍ରିୟଦର୍ଶୀ ପୁଲିକେଣ୍ଡା, ଭାଗ୍ୟଶ୍ରୀ, ଜଗପତି ବାବୁ, ମୁରଲୀ ଶର୍ମା, କୁନାଲ୍ ରୟ କପୁର, ରିଦ୍ଧି କୁମାର, ସାଶା ଛେତ୍ରୀ ଓ ସତ୍ୟନ୍ ଆଦି ପ୍ରମୁଖ କଳାକାରଙ୍କୁ ଦେଖିବାକୁ ମିଳିବ। ଚଳଚ୍ଚିତ୍ରଟି ତେଲୁଗୁ, ତାମିଲ, ହିନ୍ଦୀ, କନ୍ନଡ଼, ମାଲୟାଲମ୍, ଚୀନୀ ଓ ଜାପାନୀ ଆଦି ଭାଷାରେ ନିର୍ମାଣ ହେଇଛି।
Sambad is now on WhatsApp
Join and get latest news updates delivered to you via WhatsApp
ଏଥିରେ ପ୍ରଭାସଙ୍କ ବିପକ୍ଷର ନାୟିକା ସାଜିଛନ୍ତି ପୂଜା ହେଗ୍ଡେ। କୋଭିଡ୍ର ତୃତୀୟ ଲହର ମନ୍ଥର ହେବା ପରେ ସିନେ ନିର୍ମାତାମାନେ ଡିଜିଟାଲ୍ ପ୍ଲାଟ୍ଫର୍ମରୁ ମୁହଁ ଫେରାଇ ଥିଏଟର୍ରେ ଫିଲ୍ମ ରିଲିଜ୍ କରିବାର ନିଷ୍ପତ୍ତି ନେଉଛନ୍ତି। ‘ଚଳଚ୍ଚିତ୍ର ‘ରାଧେଶ୍ୟାମ୍’ ଜାନୁଆରିରେ ମୁକ୍ତିଲାଭ କରିବାକୁ ଥିଲା, ହେଲେ କୋଭିଡ୍ର ତୃତୀୟ ଲହର ଏବଂ ଏଥି ଜନିତ ଲାଗୁହେଇଥିବା କଟକଣା ଯୋଗୁଁ ବାଧାପ୍ରାପ୍ତ ହେଲା। ମାର୍ଚ୍ଚ ୧୮ ଅଥବା ଏପ୍ରିଲ୍ ୨୮ ଏହି ଦୁଇ ତାରିଖରେ ‘ରାଧେଶ୍ୟାମ’ ପ୍ରେକ୍ଷାଳୟକୁ ଆସିବା ଚୂଡ଼ାନ୍ତ ହୋଇଥିଲେ ମଧ୍ୟ ରାଜାମୌଲୀ ନିର୍ଦ୍ଦେଶିତ ‘ଆର୍ଆର୍ଆର୍’ ସିନେମାର ରିଲିଜ୍ ଉପରେ ନିର୍ଭର କରୁଥିଲା। କାରଣ ଏହି ଦୁଇ ତାରିଖ ରାଜାମୌଲୀ ତାଙ୍କର ନୂଆ ଫିଲ୍ମ ରିଲିଜ୍ ପାଇଁ ଅନେକ ପ୍ରେକ୍ଷାଳୟକୁ ବୁକ୍ କରିଥିଲେ। ଏବେ ‘ଆର୍ଆର୍ଆର୍’ ଚଳଚ୍ଚିତ୍ରର ମୁକ୍ତିଲାଭ ତାରିଖ ମାର୍ଚ୍ଚ ୨୫ ତାରିଖକୁ ଘୁଞ୍ଚିବା ପରେ ‘ରାଧେଶ୍ୟାମ୍’ପାଇଁ ବାଟ ଫିଟିଯାଇଛି। ଏହା ମାର୍ଚ୍ଚ ୧୧ ତାରିଖରେ ରିଲିଜ୍ କରିବାକୁ ସ୍ଥିର ହେଇଛି। ଏହି ଖୁସି ଖବର କାହାଣୀର ନାୟକ ତଥା ‘ବାହୁବଳୀ’ ଚଳଚ୍ଚିତ୍ରର ପରିଚିତ ଅଭିନେତା ପ୍ରଭାସ ଓ ନାୟିକା ପୂଜା ନିଜ ନିଜର ଇନ୍ଷ୍ଟାଗ୍ରାମ୍ରେ ମଧ୍ୟ ଘୋଷଣା କରିଛନ୍ତି।