ପ୍ରଥମ ଷ୍ଟାର୍ କିରଣ ପରିବାର ଉତ୍ସବ ‘ଆମଘର ଦଶହରା’

ଭୁବନେଶ୍ବର : ନୂତନ ଓଡିଆ ମନୋରଞ୍ଜନ ଚ୍ୟାନେଲ ଷ୍ଟାର୍ କିରଣ ଦର୍ଶକମାନଙ୍କୁ ବିଶେଷ ଉତ୍ସବ ମାଧ୍ୟମରେ ସାରା ପରିବାରକୁ ସନ୍ଧ୍ୟାରେ ଏକତ୍ରିତ କରିପାରୁଛି। ଏହି ରବିବାର ସନ୍ଧ୍ୟା ୬ ଟାରେ ଷ୍ଟାର୍ କିରଣ ଆଣୁଛି ମନୋରଞ୍ଜନ ରେ ଭରପୁର ପରିବାର ଉତ୍ସବ ‘ଆମଘର ଦଶହରା’। ଏହା ହେଉଛି ପ୍ରଥମ ଷ୍ଟାର୍ କିରଣ ପରିବାର ଉତ୍ସବ ଯେଉଁଠାରେ ଶୋ’ର ସମସ୍ତ କଳାକାର, ଓଡିଆ ଇଣ୍ଡଷ୍ଟ୍ରି ଗାୟକ, ନୃତ୍ୟଶିଳ୍ପୀ, ଜଣାଶୁଣା ଆଙ୍କର୍ସ ଏବଂ ସେଲିବ୍ରିଟିମାନେ ଦଶହରାକୁ ସେଲିବ୍ରେଟ୍ କରିବା ପାଇଁ ଇଭେଣ୍ଟରେ ଅଭିନୟ କରିଛନ୍ତି ଏବଂ କିଛି ହାଲୁକା ମଜାଳିଆ ମୁହୂର୍ତ୍ତ ପାଇଛନ୍ତି।

ଏହି ଶୋ’କୁ ସୁଜିତ ପାଇକରାୟ ଓ ପ୍ରିୟଙ୍କା ମହାପାତ୍ର ଆୟୋଜନ କରିଛନ୍ତି। ଏହି ଶୋ’ରେ ସମସ୍ତ ଷ୍ଟାର୍ କିରଣ ନାୟକ ଓ ଅଭିନେତାଙ୍କ ସହ ସେଲିବ୍ରିଟି ଅତିଥି ସ୍ବରାଜ ବାରିକ ଓ ଶୀତଲ ପାତ୍ର ଅଛନ୍ତି। ପ୍ରଖ୍ୟାତ ସଙ୍ଗୀତ ନିର୍ଦେଶକ ଓ ଗାୟକ ଅଭିଜିତ ମଜୁମଦାରଙ୍କ ସହ ଓଡ଼ିଶାର ଅନ୍ୟ ଗାୟକ ତାରିକ୍ ଅଜିଜ୍,ସତ୍ୟଜିତ ପ୍ରଧାନ, ଅର୍ପିତା ଚୌଧୁରୀ, ଜ୍ୟୋତିମୟୀ ନାୟକ ଏବଂ ଲିପ୍ସା ମହାପାତ୍ର ସେମାନଙ୍କର ପ୍ରିୟ ଗୀତ ଗାଇ ଶୋ’କୁ ଅଧିକ ମେଲୋଡିଜ୍ କରିଛନ୍ତି।