ନୂଆଦିଲ୍ଲୀ: ବଲିଉଡ ସୁପରଷ୍ଟାର ଶାହରୁଖ ଖାନଙ୍କ ଆଗାମୀ ସିନେମା 'ଯବାନ'ର ଟିଜର୍ ରିଲିଜ୍ ହୋଇଯାଇଛି । ଟିଜରରେ ଶାହରୁଖ ଖାନଙ୍କୁ ବିଭିନ୍ନ ଗେଟଅପରେ ଦେଖିବାକୁ ମିଳୁଛି । ଏଥିସହିତ ଟିଜରରେ ଶାହରୁଖଙ୍କ ଏକ ସଂଳାପ ଭାଇରାଲ ହେଉଛି। ଏହି ସଂଳାପଟି ହେଉଛି, ‘ମୁଁ ଯେତେବେଳେ ଭିଲେନ୍ ହୋଇଯାଏ ସେତେବେଳେ କୌଣସି ହିରୋ ମୋ ସାମ୍ନାରେ ଛିଡା ହୋଇପାରିବେ ନାହିଁ ।’

Advertisment

‘ଯବାନ’ ସିନେମାକୁ ନେଇ ଆଉ ଏକ ଖବର ଆସିଛି। କୁହାଯାଉଛି କି ଶାହରୁଖ ସଲମାନ ଖାନଙ୍କ ପାଇଁ ସିନେମାର ପ୍ରଥମ ଟିକେଟ ବୁକ କରିଛନ୍ତି। ତେବେ ଏଭଳି ଟିକେଟ ବୁକ କରିବାର କାରଣ ହେଉଛି ସଲମାନ ‘ଯବାନ’ର ଟିଜର ଦେଖି ଟୁଇଟ କରି କହିଥିଲେ, ‘ ପଠାନ ଯବାନ ହୋଇଗଲା। ଅତି ସୁନ୍ଦର ଟ୍ରେଲର। ଖୁବ ପସନ୍ଦ ଆସିଲା। ମୁଁ ଏହି ସିନେମାକୁ ନିଶ୍ଚିତ ଭାବେ ସିନେମା ଘରେ ଦେଖିବାକୁ ଚାହିଁବି। ସିନେମାର ପ୍ରଥମଦିନର ସୋ’ ନିଶ୍ଚୟ ଦେଖିବି। ମଜା ଆସିଯିବ।’

ଏହି ଟୁଇଟର ଉତ୍ତର ଦେଇ ଶାହରୁଖ କହିଛନ୍ତି କି, ପ୍ରଥମେ ଭାଇ। ତେଣୁ ଟିଜର ପ୍ରଥମେ ଆପଣଙ୍କୁ ହିଁ ଦେଖାଇଥିଲି। ଆପଣଙ୍କ ଶୁଭକାମନା ଥାଉ। ଆପଣଙ୍କୁ ପ୍ରଥମ ଟି‌କେଟ ପ୍ରଥମରୁ ହିଁ ବୁକ କରିବା ପାଇଁ ଧନ୍ୟବାନ।’

ଆଟଲେଙ୍କ ଦ୍ୱାରା ନିର୍ଦ୍ଦେଶିତ ତଥା ଶାହରୁଖ ଖାନଙ୍କ ସିନେମା 'ଯବାନ'ରେ ମୁଖ୍ୟ ଭୂମିକାରେ ଦୀପିକା ପାଦୁକୋନ, ଗିରିଜା ଓକ ସାନିଆ ମଲହୋତ୍ରା, ପ୍ରିୟମାନି, ରିଦ୍ଧି ଡୋଗ୍ରା, ସଞ୍ଜିତା ଭଟ୍ଟାଚାର୍ଯ୍ୟ, ଲେହର ଖାନ, ଆଲିଆ କୁରେଶି, , ସୁନୀଲ ଗ୍ରୋଭର ଏବଂ ମୁକେଶ ଛାବ୍ରା ପ୍ରମୁଖ ଭୂମିକାରେ ଅଭିନୟ କରିଛନ୍ତି  । ତେବେ ସିନେମା ‘ଯବାନ’ ଆସନ୍ତା ସେପ୍ଟେମ୍ବର ୭ ତାରିଖରେ ଭାରତ ସମେତ ଅନ୍ୟ ଦେଶଗୁଡିକରେ ମଧ୍ୟ ମୁକ୍ତିଲାଭ କରିବ । ହିନ୍ଦୀ ସମେତ ତାମିଲ ଏବଂ ତେଲୁଗୁ ଭାଷାରେ ମଧ୍ୟ ଦର୍ଶକ ସିନେମାଟିକୁ ଦେଖିପାରିବେ ।