ପ୍ରଥମ ଥର ଅମ୍ଳାନଙ୍କ ସହ ବୈଶାଳୀ

ଖୁବ୍ କମ୍‌ ଦିନରେ ଓଲିଉଡ୍‌ରେ ବେଶ୍ ନାଆଁ କରିଛନ୍ତି ଷ୍ଟାଇଲିସ୍ ନାୟିକା ବି.ଏମ୍. ବୈଶାଳୀ। ଦର୍ଶକ ତାଙ୍କ ଅଭିନୟକୁ ‘ଫାଲଗୁନ ଚୈତ୍ର’ ଏବଂ  ‘ଡିଅର୍ ପୁରୁଷ’ରେ ପସନ୍ଦ କରିଥିଲେ। ଏବେ ନୂଆ ସିନେମା ‘ଅଧିନାୟକ’କୁ ନେଇ ବେଶ୍‌ ଚର୍ଚ୍ଚାରେ ଅଛନ୍ତି ନାୟିକା ବୈଶାଳୀ। ଏଥିରେ ଲୋକପ୍ରିୟ ନାୟକ ଅମ୍ଳାନଙ୍କ ବିପକ୍ଷରେ ସେ ନଜର ଆସିବେ। ପ୍ରଥମ ଥର ଲାଗି ଅମ୍ଳାନ-ବୈଶାଳୀଙ୍କ ଯୋଡ଼ିକୁ ପରଦାରେ ଦେଖିବାକୁ ପାଇବେ ସିନେପ୍ରେମୀ।
 ଏହି ସିନେମାର କଥାବସ୍ତୁ ଓଡ଼ିଶାର ଜଣେ ଯୁବ କ୍ରିକେଟର୍‌ଙ୍କ ସଂଘର୍ଷ ଉପରେ ଆଧାରିତ। ସଚ୍ଚିକାନ୍ତ ଜେନା, ପ୍ରଶାନ୍ତ ବେହେରା ଓ ସୁନୀଲ ଯାଦବ 
ଏହାର ପ୍ରଯୋଜନା କରିଛନ୍ତି। ଜଣାଶୁଣା ସିନେମାଟୋଗ୍ରାଫର୍ ଧ୍ରୁବାନନ୍ଦ ପଣ୍ଡା ଏହାର ନିର୍ଦ୍ଦେଶକ। ପୂର୍ବରୁ ସେ ଭିନ୍ନସ୍ବାଦର ଛବି ‘ମନ ମ୍ୟୁଜିୟମ୍’ର ନିର୍ଦ୍ଦେଶନା ଦେଇ ଉଚ୍ଚ ପ୍ରଶଂସିତ ହୋଇଥିଲେ। ଗୌରବ ଆନନ୍ଦ ଏହାର ସଙ୍ଗୀତକାର ହୋଇଥିବା ବେଳେ ଭରଦ୍ବାଜ ପଣ୍ଡା ‘ଅଧିନାୟକ’ର କାହାଣୀ ଓ ଚିତ୍ରନାଟ୍ୟ ରଚନା କରିଛନ୍ତି।

ନୂଆ ସିନେମା ‘ଅଧିନାୟକ’କୁ ନେଇ ବେଶ୍‌ ଚର୍ଚ୍ଚାରେ ଅଛନ୍ତି ନାୟିକା ବି.ଏମ୍. ବୈଶାଳୀ। ଏଥିରେ ଲୋକପ୍ରିୟ ନାୟକ ଅମ୍ଳାନଙ୍କ ବିପକ୍ଷରେ ସେ ନଜର ଆସିବେ। ପ୍ରଥମ ଥର ଲାଗି ଅମ୍ଳାନ-ବୈଶାଳୀଙ୍କ ଯୋଡ଼ିକୁ ପରଦାରେ ଦେଖିବାକୁ ପାଇବେ ସିନେପ୍ରେମୀ।

ଉଲ୍ଲେଖଯୋଗ୍ୟ, ବୈଶାଳୀ ଦୂରଦର୍ଶନର ଜଣେ ସ୍ୱୀକୃତିପ୍ରାପ୍ତ ନୃତ୍ୟଶିଳ୍ପୀ। ସେ ହିନ୍ଦୀ ଚଳଚ୍ଚିତ୍ର ‘ବଧାଇ ହୋ’ରେ ସହ-ନିର୍ଦ୍ଦେଶିକା ଭାବେ କାମ କରିଛନ୍ତି। ତାଙ୍କ ଅଭିନୀତ କେତୋଟି ମ୍ୟୁଜିକ୍ ଆଲବମ୍ ବି ଖୁବ୍ ଲୋକପ୍ରିୟତା ହାସଲ କରିଛି। ଏଥିମଧ୍ୟରେ ରହିଛି ‘ଏ ମନ ମୋ ମନ’, ‘ପ୍ରେମ ଅପରାହ୍ନ’, ‘ଲାଲ ଓଢ଼ଣି’,‘ଘର’, ‘ବିଧାତାର ସଂଯୋଗ’, ‘ନୂଆ ନୂଆ ଦେଖାଚାହାଁ’,  ‘ଭିଜା ଏ ସକାଳରେ’  ଓ ‘କୁଞ୍ଚୁକୁଞ୍ଚିଆ ବାଳ’। ଏହାଛଡ଼ା ସେ ‘କ୍ୟାପିଟାଲ୍ ଟକିଜ୍‌’ ନାମକ ୱେବ୍ ସିରିଜ୍‌ରେ ବି ନଜର ଆସିଛନ୍ତି।