ରିଲିଜ୍ ହେବାର ପ୍ରଥମ ଦୁଇ ଦିନରେ କେତେ ଟଙ୍କା ଆୟ କଲା ଚଳଚ୍ଚିତ୍ର ‘୮୩‘ ?

ମୁମ୍ବାଇ: ଡିସେମ୍ବର ୨୪ ତାରିଖ ଦିନ ରିଲିଜ୍ ହୋଇଛି ରଣବୀର ସିଂହଙ୍କ ଅଭିନୀତ ବହୁଚର୍ଚ୍ଚିତ ଚଳଚ୍ଚିତ୍ର ‘୮୩‘ । ‘୮୩‘ ଚଳଚ୍ଚିତ୍ରଟି ରିଲିଜ୍ ହେବାର ପ୍ରଥମ ଦୁଇ ଦିନ ପରେ ଭାରତରେ ସର୍ବମୋଟ ୨୯ କୋଟି ୫୯ ଲକ୍ଷ ଟଙ୍କା ଆୟ କରିଛି । ପ୍ରଥମ ଦିନ ତଥା ଡିସେମ୍ବର ୨୪ ତାରିଖ ‘୮୩‘ଚଳଚ୍ଚିତ୍ରଟି ୧୨ କୋଟି ୬୪ ଲକ୍ଷ ଆୟ କରିଥିଲା । ଡିସେମ୍ବର ୨୫ ତାରିଖ, ‘୮୩‘ ପ୍ରଥମ ଦିନ ଅପେକ୍ଷା ୩୪.୧୦ ପ୍ରତିଶତ ଅଧିକ ଆୟ କରିଛି । ଡିସେମ୍ବର ୨୫ ତାରିଖ ‘୮୩‘ ୧୬ କୋଟି ୯୫ ଲକ୍ଷ ଆୟ କରିଛି ।

ଅନ୍ୟ ଦଳମାନଙ୍କ ଅପେକ୍ଷା ଏକ ଦୁର୍ବଳ ଦଳ ହୋଇ ମଧ୍ୟ ୧୯୮୩ ମସିହା କ୍ରିକେଟ ବିଶ୍ଵକପରେ ଭାରତ କିଭଳି କପିଳ ଦେବଙ୍କ ନେତୃତ୍ଵରେ ବିଜୟ ହାସଲ କରିଥିଲା, ତାହାକୁ ନେଇ ’୮୩‘ ନାମକ ଚଳଚ୍ଚିତ୍ରଟି ତିଆରି ହୋଇଛି । କବିର୍ ଖାନ୍ ‘୮୩‘ ଚଳଚ୍ଚିତ୍ରର ନିର୍ଦେଶକ ଅଟନ୍ତି । ରଣବୀର ସିଂହଙ୍କ ବ୍ୟତୀତ ଦୀପିକା ପାଦ୍ୟୁକୋନ୍ ଓ ପଙ୍କଜ ତ୍ରିପାଠି ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ଅଛନ୍ତି।