ପ୍ରଥମ ଥର ପାଇଁ ‘କିକ୍-୨’ରେ ସଲମାନଙ୍କ ସହ ସ୍କ୍ରିନ୍ ସେୟାର କରିବେ ଏହି ନାୟିକା
ମୁମ୍ବାଇ : ୨୦୧୪ ଜୁଲାଇ ୨୫ରେ ରିଲିଜ୍ ହୋଇଥିଲା ଫିଲ୍ମ ‘କିକ୍’ । ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିଥିଲେ ଅଭିନେତା ସଲମାନ ଖାନ୍ ଏବଂ ଅଭନେତ୍ରୀ ଜାକ୍ଲିନ୍ ଫର୍ଣ୍ଣାଣ୍ଡିଜ୍ । ଖଳନାୟକ ଭୂମିକାରେ ନଓ୍ଵାଜୁଦ୍ଦିନ ସିଦ୍ଦିକୀ ନଜର ଆସିଥିବା ବେଳେ ତାଙ୍କ ଚରିତ୍ରଟି ସମସ୍ତଙ୍କୁ ପସନ୍ଦ ଆସିଥିଲା । ତେବେ ଫିଲ୍ମଟି ସୁପରହିଟ୍ ସାବ୍ୟସ୍ତ ହୋଇଥିବା ବେଳେ ଏହାର ଦ୍ୱିତୀୟ ଭାଗ ନିର୍ମାଣ ହେବାକୁ ଯାଉଛି । ଦ୍ୱିତୀୟ ଭାଗରେ ପୂର୍ବଭଳି ସଲମାନ ମୁଖ୍ୟ ନାୟକ ଭୂମିକାରେ ନଜର ଆସିବାକୁ ଥିବା ବେଳେ ଅଭିନେତ୍ରୀ ଦୀପିକା ପାଦୁକୋନ୍ ଏଥିରେ ମୁଖ୍ୟ ନାୟିକା ଭୂମିକାରେ ନଜର ଆସିବେ ବୋଲି ଚର୍ଚ୍ଚା ଆରମ୍ଭ ହୋଇ ଯାଇଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, କିକ୍ ପାଇଁ ପ୍ରଥମେ ଦୀପିକାଙ୍କୁ ବଛା ଯାଇଥିବା ବେଳେ ପରେ ଜାକ୍ଲିନ୍ଙ୍କୁ ଏହି ଫିଲ୍ମ ମିଳିଥିଲା । କିନ୍ତୁ ଏହାର ଦ୍ୱିତୀୟ ଭାଗରେ ନିର୍ମାତାମାନେ ଦୀପିକାଙ୍କୁ ନେବା ପାଇଁ ଚିନ୍ତା କରୁଥିବା ଜଣା ପଡ଼ିଛି । ତେବେ ‘କିକ୍-୨’ରେ ସଲମାନଙ୍କ ସହ ଶେଷରେ କିଏ ସ୍କ୍ରିନ୍ ସେୟାର କରିବ ତାହା ଭବିଷ୍ୟତରେ ଜଣାପଡ଼ିବ ।