ସୁଶାନ୍ତଙ୍କ ବ୍ୟବଚ୍ଛେଦ ରିପୋର୍ଟ ଯାଞ୍ଚ କରିବ ଏମ୍ସ୍ର ୪ଜଣିଆ ଫରେନ୍ସିକ୍ ଟିମ୍
ସିନ୍ ରିକ୍ରିଏଟ୍ କରାଇବ ସିବିଆଇ
ଅପରପକ୍ଷେ ଏମ୍ସ୍ର ୪ଜଣିଆ ଫରେନ୍ସିକ୍ ଟିମ୍ ସୁଶାନ୍ତଙ୍କ ବ୍ୟବଚ୍ଛେଦ ରିପୋର୍ଟ ଯାଞ୍ଚ କରିବେ ବୋଲି ଜଣାଯାଇଛି। ସିବିଆଇ ହାତକୁ ତଦନ୍ତଭାର ଯିବା ପରେ ଏହି ରିପୋର୍ଟର ପୁଣି ଥରେ ଯାଞ୍ଚ କରିବାକୁ ସିବିଆଇ ଫରେନ୍ସିକ୍କୁ ଦାୟିତ୍ବ ଦେଇଛି। ଫରେନ୍ସିକ୍ ମେଡିସିନ୍ର ମୁଖ୍ୟ ଡାକ୍ତର ସୁଧୀର ଗୁପ୍ତା ଏହି ଟିମ୍ର ନେତୃତ୍ବ ନେବେ। ଯାଞ୍ଚ ପରେ ସିବିଆଇକୁ ଖୁବ୍ଶୀଘ୍ର ବ୍ୟବଚ୍ଛେଦ ଓ ଭିସେରା ରିପୋର୍ଟ ଅବଗତ କରାଇବେ।
Sambad is now on WhatsApp
Join and get latest news updates delivered to you via WhatsApp
ସିନ୍ ରିକ୍ରିଏଟ୍ କରାଇବ ସିବିଆଇ
ସିବିଆଇ ଏବେ ହତ୍ୟା ଓ ଆତ୍ମହତ୍ୟା ଦୁଇଟି ଦିଗ ଉପରେ ତଦନ୍ତ କରୁଛି। ତେବେ ସୁଶାନ୍ତଙ୍କ ମୃତ୍ୟୁ ଦିନ ଘର ଭିତର ସ୍ଥିତି କେମିତି ଥିଲା, ତାହା ଜାଣିବା ପାଇଁ ସିନ୍-ରିକ୍ରିଏଟ୍ କରାଇବ ସିବିଆଇ। ଏଥିରେ ସୁଶାନ୍ତଙ୍କ ଘରେ ରହୁଥିବା ବନ୍ଧୁ ସିଦ୍ଧାର୍ଥ ପିଠାନି, ରୋଷେୟା ନିରଜ ଓ ଦୀପେଶଙ୍କ ସହାୟତା ନିଆଯିବ ବୋଲି ଜଣାଯିବ। ସେଦିନ ସୁଶାନ୍ତଙ୍କ ଘରେ କ’ଣ ଘଟିଥିଲା, ମୃତ୍ୟୁ ବେଳେ ବାକି ୩ଜଣ କେଉଁଠି ଥିଲେ, ସୁଶାନ୍ତଙ୍କୁ ଫ୍ୟାନ୍ରେ ଝୁଲିବା ପ୍ରଥମେ କିଏ ଦେଖିଥିଲା, ଦେଖିବା ପରେ ସେମାନେ କାହାକୁ ଜଣାଇଥିଲେ; ଆଦିର ଟିକିନିଖି ଡେମୋ ପ୍ରଦର୍ଶନ କରିବେ।