‘ଫିଲ୍ମଫେୟାର-୨୦୨୩’ ପୁରସ୍କାର ପ୍ରଦାନ କରାଗଲା; ଆଲିଆ ଶ୍ରେଷ୍ଠ ଅଭିନେତ୍ରୀ, ରାଜକୁମାର ଶ୍ରେଷ୍ଠ ଅଭିନେତା

ମୁମ୍ବାଇ: ଗୁରୁବାର ଦିନ ୬୮ତମ ଫିଲ୍ମଫେୟାର ପୁରସ୍କାର ପ୍ରଦାନ ଉତ୍ସବ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମରେ ବିଭିନ୍ନ ଫିଲ୍ମ ଓ କଳକାରଙ୍କୁ ଫିଲ୍ମଫେୟାର ପୁରସ୍କାର ଦିଆଯାଇ ସମ୍ମାନିତ କରାଯାଇଛି। ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀଙ୍କ ନିର୍ଦ୍ଦେଶିତ ଫିଲ୍ମ 'ଗଙ୍ଗୁବାଇ କାଠିଆୱାଡ଼ି' ଓ ହର୍ଷବର୍ଦ୍ଧନ କୁଲକର୍ଣ୍ଣୀଙ୍କ ନିର୍ଦ୍ଦେଶିତ ଫିଲ୍ମ 'ବଧାଇ ଦୋ' ଫିଲ୍ମକୁ ଏକାଧିକ ପୁରସ୍କାର ମିଳିଥିବା ଦେଖାଯାଇଛି। 'ଗଙ୍ଗୁବାଇ କାଠିଆୱାଡ଼ି' ପାଇଁ ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କୁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ମିଳିଥିବା ବେଳେ ରାଜକୁମାର ରାଓଙ୍କୁ 'ବଧାଇ ଦୋ' ପାଇଁ ଶ୍ରେଷ୍ଠ ଅଭିନେତା ପୁରସ୍କାର ମିଳିଛି।

ବରିଷ୍ଠ ଅଭିନେତା ପ୍ରେମ ଚୋପ୍ରାଙ୍କୁ ଜୀବନବ୍ୟାପି ସାଧନା ପୁରସ୍କାର ପ୍ରଦାନ କରାଯାଇଛି। ଫିଲ୍ମ 'ଝୁଣ୍ଡ' ପାଇଁ ଅଙ୍କୁଶ ଗେଦମଙ୍କୁ ଶ୍ରେଷ୍ଠ ନବାଗତ ଅଭିନେତା ପୁରସ୍କାର ମିଳିଥିବା ବେଳେ ଶ୍ରେଷ୍ଠ ନବାଗତ ଅଭିନେତ୍ରୀ ପୁରସ୍କାର ଜିତିଛନ୍ତି ଆଣ୍ଡ୍ରେୟା କେଭିଚୁସା। ଆସନ୍ତୁ ପୁରସ୍କାର ଜିତିଥିବା ଫିଲ୍ମ ଓ କଳାକାରଙ୍କ ପୂରା ସୂଚୀ ଉପରେ ନଜର ପକାଇବା...

ଶ୍ରେଷ୍ଠ ଚଳଚ୍ଚିତ୍ର: ଗଙ୍ଗୁବାଇ କାଠିଆଓ୍ୱାଡି।

ଶ୍ରେଷ୍ଠ ଚଳଚ୍ଚିତ୍ର (କ୍ରିଟିକ୍ସ): ବଧାଇ ଦୋ।

ଶ୍ରେଷ୍ଠ ଅଭିନେତା: ରାଜକୁମାର ରାଓ।

ଶ୍ରେଷ୍ଠ ଅଭିନେତ୍ରୀ: ଆଲିଆ ଭଟ୍ଟ।

ଶ୍ରେଷ୍ଠ ଅଭିନେତା (କ୍ରିଟିକ୍ସ): ସଞ୍ଜୟ ମିଶ୍ରା(ବଧ୍)।

ଶ୍ରେଷ୍ଠ ଅଭିନେତ୍ରୀ (କ୍ରିଟିକ୍ସ): ଭୂମି ପେଡନେକର(ବଧାଇ ଦୋ) ଏବଂ ତବୁ( ଭୁଲ ଭୁଲୈଆ ୨)।

ଶ୍ରେଷ୍ଠ ନିର୍ଦ୍ଦେଶକ: ସଞ୍ଜୟ ଲୀଲା ଭଂସାଲୀ(ଗଙ୍ଗୁବାଇ କାଠିଆୱାଡି)।

ଶ୍ରେଷ୍ଠ ସହାୟକ ଅଭିନେତା: ଅନିଲ କପୁର (ଜୁଗ ଜୁଗ ଜିଓ)।

ଶ୍ରେଷ୍ଠ ସହାୟକ ଅଭିନେତ୍ରୀ: ଶିବା ଚଢ଼ା(ବଧାଇ ଦୋ)

ଶ୍ରେଷ୍ଠ ଗାୟକ: ଅରିଜିତ୍ ସିଂହ(କେସରିୟା)।

‌ଶ୍ରେଷ୍ଠ ଗାୟିକା: କବିତା ସେଠ୍ (ରଙ୍ଗିସାରୀ)।

ଶ୍ରେଷ୍ଠ କୋରିଓଗ୍ରାଫି: କ୍ରୁତି ମହେଶ(ଗଙ୍ଗୁବାଇ କାଠିଆୱାଡି)।